掃呢頁CODE去手機

2016年2月24日 星期三

馬家不死 《愛.回家》收檔好帶挈 馬家狂出 trip賺到盡 [FACE - 457] 愛.回家,MF,

《愛.回家》上週六(20日)拍攝大結局外景,劇中馬子妮同阿豪結婚,馬家當然全家出動,呢集要去到4月1日先睇到,之後佢哋仲會一齊登台,真開心。真面目馬家不死 《愛.回家》收檔好帶挈 馬家狂出trip賺到盡《愛.回家》今次真係玩完喇,4月1愚人節播最後一集,深受巴打、師奶歡迎嘅馬家亦要同大家saygoodbye。上週六、日拍攝大結局外景,4年來拍過《愛.回家》嘅藝員全部晒冷現身。不過之後馬家仍會繼續合 ...


《愛.回家》上週六( 20日)拍攝大結局外景,劇中馬子妮同阿豪結婚,馬家當然全家出動,呢集要去到 4月 1日先睇到,之後佢哋仲會一齊登台,真開心。

真面目

馬家不死 《愛.回家》收檔好帶挈 馬家狂出 trip賺到盡

《愛.回家》今次真係玩完喇, 4月 1愚人節播最後一集,深受巴打、師奶歡迎嘅馬家亦要同大家 say goodbye。上週六、日拍攝大結局外景, 4年來拍過《愛.回家》嘅藝員全部晒冷現身。

不過之後馬家仍會繼續合體,事關 4月之後,馬家要先到加拿大登台,之後再去星馬走 tour。馬壯就話:「大結局之後都仲會一齊,一齊去其他地方見粉絲!都係開心嘅。」有錢袋當然開心

播咗 4年嘅《愛.回家》嚟到 995集終於要完喇,上週六( 20日)、日( 21日)分別拍攝大結局外景,內容係馬子妮同 Anson分別結婚,新舊《愛.回家》成員唔使 BBQ一樣可以大集會,週日( 21日)仲拍攝過百人嘅晒冷場面,唯獨劇中曾經係女主角嘅朱慧敏竟然 no show,得罪珍姐嘅結果就係連一秒都冇,認真可憐。

大結局以兩個婚禮作結,一邊以馬子妮結婚收尾,另一邊即第二輯《愛.回家》就以 Anson(張振朗)同樂兒(龔嘉欣)結婚收尾,可惜第二輯人氣低,冇得登台揾銀。

結局都冇份

大結局嗰集,包括出過一集嘅演員都會現身,唯獨朱慧敏影都冇,粉絲只能重睇 804集先睇到朱慧敏喇。(網上圖片)

《愛.回家》播足 4年,一向都係大小宴會長駐常客, 4月結局之後馬家繼續登台,先去加拿大再去星馬,起碼去到 7、 8月先正式散 band。

飛加拿大登台

《愛.回家》 4月 1日播完,不過馬家未散 band㗎,上週六喺觀塘取景時,黎諾懿就話:「其實仲有一、兩星期先拍完,大結局之後都仲會一齊,一齊去其他地方見粉絲,暫時知道先去加拿大嗰邊見吓粉絲,咁可能會再去星馬嗰邊啦,(登台掘金?)我哋當係見粉絲啫,因為其他地方都好多《愛.回家》粉絲。」

不過出外登台只限馬家,第二輯嘅主角麥包、張振朗、坤哥就因為未夠入屋而冇機會登台揾真銀。雖然冇咗《愛.回家》,但黎諾懿唔憂冇曝光,事關緊接播嘅《 ICAC 2016》係佢孭飛,之後又會播佢同吳啟華、蔡思貝主演嘅《純熟意外》,馬莊係會繼續出現嘅。

大結局以馬家做主導,兩日外景分別都有馬家成員,而第二輯彈起嘅就有內地演員于焱(箭嘴),大結局當然亦有份。

徐榮喺微博鋪咗《愛.回家》大結局劇本封面,正式確認終結。(網上圖片)

木偶哥(左)同思思(圓圈)一段戲,曾經都係第一輯《愛.回家》收視保証,不過喺終極大結局二人只係佈景板,並沒有再交待。

新處境劇大台自抽

《愛.回家》雖然 4月收檔,不過又有另一套頂上,就係由祥仔、毛姐、陳國邦和鍾景輝孭飛,仲有黃秋生客串,以電視台做背景,祥仔飾演電視台高層,毛姐當其助理,自己抽自己水,大把材料啦。

《蘋果日報》圖片

據知黃秋生都會客串新處境劇,不過集數同角色都度緊,有影帝幫拖好睇好多。

祥仔,毛姐同編審邵麗瓊(上圖中)繼 08年《畢打自己人》後,再度合作,再加埋回巢嘅陳國邦同 King Sir,點都好睇過第二輯《愛.回家》啩?

網上圖片

《蘋果日報》圖片

馬家成員丹爺、郭少芸將會出現喺新處境劇,二人都係珍姐好友,點會冇份呢?

採訪、撰文:娛樂組


鍾意就快D Share啦!