掃呢頁CODE去手機

2016年3月3日 星期四

食粥食飯 江希文得一注籌碼 [壹週刊 - 1356] __,江希文,M1,

去停車場攞車,江希文抱起個女過馬路。同你吟一吟食粥食飯 江希文得一注籌碼金錢威力驚人,但破壞力更加令人無法想像!為咗錢,親人朋友一樣可以反面,情侶變成寃家,好似江希文同前度胡漢清。分手超過一年,雙方一直就每月生活費數目爭持不下,結果要對簿公堂;江希文以自己冇經濟能力作為理據,繼續住喺前度沙宣道大宅。同胡漢清鬥耐性,暫時解決有瓦遮頭問題嘅江希文,早排帶住囡囡去數碼港商場玩,今年四月滿3歲嘅Natal ...


去停車場攞車,江希文抱起個女過馬路。

同你吟一吟

食粥食飯 江希文得一注籌碼

金錢威力驚人,但破壞力更加令人無法想像!為咗錢,親人朋友一樣可以反面,情侶變成寃家,好似江希文同前度胡漢清。

分手超過一年,雙方一直就每月生活費數目爭持不下,結果要對簿公堂;江希文以自己冇經濟能力作為理據,繼續住喺前度沙宣道大宅。

同胡漢清鬥耐性,暫時解決有瓦遮頭問題嘅江希文,早排帶住囡囡去數碼港商場玩,今年四月滿 3歲嘅 Natalie同媽咪一樣紮住辮仔,非常得意!

囡囡玩到唔願走,江希文攞糖氹,收埋手掌心叫 Natalie估响邊隻手,兩母女自得其樂。話時話,江希文得番呢粒女,亦係佢同前度講數嘅王牌,將來係點,真係靠晒佢!

夠鐘返屋企,三歲 Natalie扭計唔願行。

出絕招!江希文收埋粒糖响掌心,同囡囡玩估喺邊。

囡囡出世半年左右,江希文同胡漢清便告分手。

要做單親媽又要同前度打官司,除咗個女,家人亦係主要動力來源。

撰文:八珍


鍾意就快D Share啦!