熱爆娛樂: 鄺祖德唱衰自保　傻女陳慧嫻痴情意外 [壹週刊

2016年3月17日星期四

鄺祖德唱衰自保　傻女陳慧嫻痴情意外 [壹週刊 - 1358] 鄺祖德,陳慧嫻,M1,

娛樂偵訊

鄺祖德唱衰自保　傻女陳慧嫻痴情意外

上期《壹》仔踢爆陳慧嫻，在演唱會上自稱愛上攣男「 Mr. Impossible」的男主角，係比慧嫻細十二年、家境富貴但唱極唔紅的樂壇奀星鄺祖德，事後慧嫻有品，堅持唔肯證實攣男真正身份。

點知過幾日，鄺祖德突然對號入座，在社交網站發表長篇大論，更自稱同慧嫻拍過拖，諗住曲線否認自己是「 hehe」，仲踩慧嫻一腳，話佢年屆五十年紀大。據知鄺祖德仍未「出櫃」，家人未完全清楚他的性取向，為免刺激年老母親，惟有唱衰慧嫻自保！

缺德求自保

為了迴避陳慧嫻在演唱會上所講的攣男，鄺祖德發表了一篇長文章，離奇承認同陳慧嫻有發展過感情，更帶她見過家人，但因為顧及到家人及年齡上的差距，暗寸五張慧嫻比他足足大十二年，於是決定斬纜，甚至在對方舉行演唱會期間，專登遠飛法國滑雪避開；但最缺德，是嘲笑慧嫻趕《夜機》，只會變《傻女》，將慧嫻的經典歌名當武器。

結果，鄺祖德被網民插爆，更叫他改名做「冇口德」！據知，家底有番咁上下的鄺祖德，祖父鄺命光是九龍城區大地主，父親是已故無綫藝員鄺君能，兄長鄺祖盛為執業律師，家姐鄺靄慧是養和醫院院長李維達太太，而他在家人面前亦從未清楚交代過個人的性取向，為免刺激高齡母親，鄺祖德惟有扮晒同慧嫻拍過拖，安撫家人。

據知在二月尾開始，鄺祖德連平時用開的電話號碼也長期關機，目的是要避開慧嫻主動攻勢。

鄺祖德在社交網站發表文章，自認同慧嫻拍過拖，含糊暗示自己不是攣男，搞到當日原本約了屋企人食飯要遲大到。

改埋電話

「 Enrico（鄺祖德）鍾意乜，其實大家都睇得出不過早排佢又真係成日同慧嫻出雙入對，表現得仲有啲親熱，慧嫻仲同圈中人讚 Enrico有才華，叫啲人搵佢做嘢。因為咁， Enrico咪覺得黐住慧嫻有着數囉，點知慧嫻愈來愈進取，真係想同佢有進一步發展， Enrico先逼住要表露真正『身份』，佢為咗避慧嫻，仲專登停用個電話，等慧嫻搵唔到佢。」鄺祖德身邊人說。