現年54歲嘅劉德華自從迎接寶貝女劉向蕙（Hanna）出世後，上年歌迷同劉華慶祝生日嗰陣，劉華開口揚言想追個仔，劉華同朱麗倩亦誠心求子，除咗拜佛，亦全家人食齋戒肉，今日爆50歲朱麗倩終於追仔成功，定期接受人工受孕，試咗兩年，上年尾終於再度有喜，確係恭喜!恭喜!據周刊指，朱麗倩上個月就帶住囡囡Hanna返大馬拜祭外公外婆，當時估計朱麗倩佗B三個月，明顯有啲發福，最主要係還神，仲搵咗當地法師一齊誦經為BB祈福。陀B四個月嘅朱麗倩，上周二更被影到當日身穿白色鬆身裙、戴住口罩去九龍城，沿路有助手同保鏢陪同下，行海味鋪入貨，跟手去附近一間台灣食品店買嘢食，當日落雨，保鏢亦一早開定把遮護送朱麗倩上車。《蘋果》今日向劉華求證，佢就話：「冇回應，謝謝關心！」另外，盛傳劉華下月開拍埋有份投資嘅新戲《拆彈專家》之後，就會停工，主力湊女陪老婆。
來源 source: http://hk.apple.nextmedia.com
|
鍾意就快D Share啦！
|
|
|