| 相信唔少人，就算未睇過方太，都係食方太嘅餸大，小編都食過。 | next 1/1 pre |
 | |
| 方太真係亞視嘅殿堂級靈魂人物。 | next 1/1 pre |
 | |
| 方太當年第一次上節目教煮餸，就發生撻唔着爐事件。 | next 1/1 pre |
 | |
| 雖然係咁，呢件事並冇影響到佢之後嘅發展。 | next 1/1 pre |
方任莉莎（方太），七十年代開始為麗的電視主持婦女節目《下午茶》，因而成為全港婦女之偶像，至1999年才離開亞視。
難忘撻唔着爐
1979年麗的電視年代，方太主持婦女節目《下午茶》，並在1984年開始兼任新加坡電視台做烹飪節目，方太表示當年為了生活不惜香港、新加坡兩邊走：「當年我喺一間烹飪學校做導師，老闆派我去教煮餸，每星期一、兩次，當時我第一次上電視，仲係直播，點知現場撻唔着火，工作人員要喺地下爬過嚟睇吓個爐發生咩事，我就惟有同觀眾講唔好意思，仲問佢哋有冇試過睇烹飪節目撻唔着火？就係咁捱咗七分鐘，之後仲畀老闆鬧，好彩我有証人，老闆知我事前有試過撻火，只因係石油氣爐，試嗰次嘅火已經係最後一啖氣！」
收250蚊一集
「就係因呢件事，我覺得人生好微妙，有人話畀機會我，監製搵我開一星期五日嘅節目叫《午間小敍》，我要求高人工，我喺學校教煮餸就120蚊一日，節目我就開價250蚊一集，以為好高，其實事後覺得自己好蠢，不過，自己計落當年都幾多錢。不過，成個節目我要求要自己話事，講明唔做鮑參翅肚，邊有家庭日日食呢啲？我心諗，對象係家庭主婦，所以菜式要經濟、上枱靚、大眾化，監製話畀三個月時間我試，冇人睇就一齊死喎！後來一個晚上，當時係冷天，嗰晚個廠好凍，我心情好壞，喺廠錄影時爆肚，我話成日覺得自己同自己講嘢，都唔知有冇人睇，如果有就請你哋畀啲回應我點知第二晚經過監製個房，佢叫我攞大袋影迷信，原來咁耐以嚟佢哋個電視台未試過，後來我揀咗一封字體寫得好靚嘅嚟睇，係一個太太，佢係當秘書嘅，佢問我為乜事冇信心，仲話個節目好多人睇，後來我哋仲做埋朋友。（成為好多太太嘅偶像？）我知，依家都好多後生仔跑嚟同我講，係食我餸長大，我都覺得好開心，我最想透過你哋話畀所有人知，其實我都係家庭主婦，只要有恒心，乜嘢都可達到。」
|
鍾意就快D Share啦！
|
|
|