| 有網民話要捧李佳芯做第二個奸后！而奸后始祖，當然非羅蘭莫屬。 | next 1/1 pre |
 | |
| 當年嘅羅蘭演奸角演到畀人當街大罵，真係可以話好成功！ | next 1/1 pre |
 | |
| 而嚟到《潮流教主》嘅李佳芯，佢都係做反派！ | next 1/1 pre |
 | |
| 但今次做奸人，唔使做小三喇！ | next 1/1 pre |
 | |
| 佢對眼勾引人又得… | next 1/1 pre |
 | |
| 睥人又得… | next 1/1 pre |
 | |
| 睇嚟佢都好難「行番正路」… | next 1/1 pre |
 | |
| 不過都有網民話佳芯BB淨係識睩大對眼… | next 1/1 pre |
 | |
| 但佢都有楚楚可憐嘅時候…真係好想安撫吓佢囉！ | next 1/1 pre |
 | |
| 有網民提議，可以由做乜都得嘅陳煒飾演「紀芸芸」㗎！ | next 1/1 pre |
 | |
| 又係時候倒帶喇…羅蘭（中）喺《西遊記》飾演老蜘蛛！劉玉翠（左）、張慧儀（右） | next 1/1 pre |
 | |
| 真‧羅蘭BB真係可以話有「由骨子裏面奸出嚟」嘅氣質！ | next 1/1 pre |
 | |
| 順便送張羅蘭BB泳照畀大家！ | next 1/1 pre |
無綫近排熱播嘅劇集《潮流教主》，個個都話陳豪由頭髮到腳趾尾都係向老佛爺Karl Lagerfeld「致敬」……心中有數行出嚟有冇嗰道氣，搏到觀眾注意先至最緊要！講到氣場，近排最多網民講嘅，就係話喺戲入面成日同陳豪明爭暗鬥嘅李佳芯，話集集都係等睇佢出場，仲話佢有機會做第二個羅蘭BB，成為無綫新一代奸后！
點解嘅？點解嘅？李佳芯拍劇以嚟，例如《名門暗戰》、《波士早晨》同《名媛望族》等，都係專做情婦又或者係勾引上司嘅女秘書，仲被網民話佢做到入型入格，封佢做「最強小三」！而今次喺《潮》入面，飾演一個本來衣食無憂嘅Ball后「紀芸芸」，因為老公突然走佬，為咗有啖飯食，走去陳豪間《MODES》時裝雜誌做廣告部總監，但處心積累玩打壓玩陷害，用盡心計，都無非係想取替陳豪成為雜誌掌舵人。
李佳芯由做《名門暗戰》開始做反派已經夠出位，網民話「紀芸芸」簡直係為李佳芯度身訂造，奸味夠濃，連眼神都係一睇就知佢冇好人，又話希望佢浸多五六年，好似陳秀珠或康華咁，有「由骨裏面奸出嚟嘅氣質」！唔係化？氣質都可以「奸」出嚟？咁奸后始祖羅蘭BB啲氣質咪仲勁？話晒由粵語殘片時代開始浸出嚟喎！
有網民話李佳芯個樣又唔錯，就好似羅蘭BB一樣有樣有身材，正宗笑騎騎放毒蛇，黃蜂尾後針，真係食咗你都唔知，仲話希望佢成為第二個羅蘭BB，好過做一味得個靚字嘅花瓶，所以猛讚李佳芯識揀認真叻叻，做奸角唔單止出位又有得發揮，唔使拎條事業線出嚟，已經贏晒人！
有讚當然有彈，有網民就認為李佳芯表現太over，「成日只係識得睩大對眼，木口木面」外，話晒係celebrity，啲衫都唔夠elegant！最反高潮，係有網民話識睇梗係要睇陳煒喎！話陳煒做「紀芸芸」一定冇得輸，因為陳煒無論做奸角或搞笑角色乜都得，仲提議無綫應該開部宮廷戲，安排陳煒做毒皇后，李佳芯做奸妃，話兩個直情兜口兜面鍊過，咁先至好睇喎！
網民有話兒：
ooXXX1：「李佳芯有時講對白唔夠氣，演技比新人較好，冇反感嘅！」
豬XX女：「你問心果（嗰）句，而（依）家無綫佢個年紀層面，有邊個做奸角好得過佢？」
toXXXado：「佢做毒婦、狐狸精、商場女強人，同奸妃真係一流，由《名門暗戰》果（嗰）時我已經留意到佢做反派真係出神入化，不過戲路會窄啲！」
柳XX：「佢做得幾好，每集都係睇佢出場！」
yiXXX809：「演技未夠火，奸又奸唔晒，演得未夠自私，學是學非啱晒佢！」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download
最強娛樂APP「東網巨星」下載連結：
http://on.cc/redirect/entertainment
|
鍾意就快D Share啦！
|
|
|