| 港女Kristy(左)及Mary(右)。小圖為張天天及他的未婚妻。 | next 1/1 pre |
 | |
| 港女Kristy | next 1/1 pre |
 | |
| 港女Mary | next 1/1 pre |
 | |
| 康宏理財聯席董事梁惜君 | next 1/1 pre |
東網最新一期「真的上車了」再次牽起網上熱話！80後張天天為未婚妻「白富美」日拼夜拼，加上家人出手相助，終達成在香港買樓的目標。有網民十分葡萄，指天天有樓在手才能抱得美人歸，一旦無樓在手，想要女朋友就好難，更何況娶美女。為證明是否港女一定要嫁有樓港男，東網訪問多位美女，看看她們是否要有樓才肯嫁？
咁各位又點睇呢？大家可以click入 http://bit.ly/1QRBviu ，重溫張天天嘅上車故事喎！諗吓網民有冇道理。
男主角天天點睇？佢話：「有港女的婚姻觀是有樓先嫁得過，亦有朋友認為娶內地女仔好過，但個人認為不可一竹竿打一船人，香港也有不少顧家的女孩，此要求並不過份，情侶間大可就此目標公一份，婆一份，齊齊努力上車！」
佢又幸福滿滿地說：「來自內地嘅未婚妻的確冇買樓嘅要求，只求2人過得開心就OK，即使租樓住、食廿幾蚊飯盒都一樣咁開心。」
港女Mary都同意話︰「對方唔一定要有樓在手先結婚，因為我有工作能力，唔介意一齊努力儲錢，辛苦幾年再上車。我覺得兩個人一齊儲錢會快啲，反而要靠對方家人幫手，好似暗示個男仔無上進心，我更加唔鍾意。」
港女Kristy話︰「有樓在手好重要，但我唔介意夾份買，一齊儲錢上車都可以接受。不過，一定要有樓先結，因為我唔想畀租金但到頭來層樓唔係自己，我寧願推遲結婚都希望有樓再結婚。」
不過，部分網民就唔係咁諗。網民Teresa話︰「男人揀女人都睇樣、睇身材，所以女人揀男人睇佢有無樓都好正常！有層樓喺手反映佢的財政狀況穩健，對女仔婚後生活質素有保障。」
8仔：「我終於明白有樓就有女呢個道理！」
富加美：「邊度嘅女人都要最好有層樓喇，拍拖結婚有間房真係唔過份。」
bbq323 ：「人地努力，有所成就，識到靚女，和有層樓有乜關係？」
網民睇法好實際，咁啲理財顧問又點睇？
-----------------------------------------------------------------
康宏理財聯席董事梁惜君話︰「樓唔係揀男人的首要條件，如果唔愛佢，有樓都無用。加上而家好多女性好獨立，賺錢能力可能比對方高，所以伴侶有無樓唔太重要。」
她又認為，部分年輕人指樓價過高而放棄置業，這想法不可取，「樓價會有調整，所以要做好準備，平時應該分短、中、長線的儲蓄目標，盡量減少不必要的開支。」
她舉例說，「十年內要上車，首期若要100萬元，即每年要儲10萬元，每個月儲8,000元，對一般打工仔可能有困難，但如果兩個人夾份一齊儲，各人儲4,000幾元，再加上每年人工的增長，達成置業目標並唔難。」
香港樓市日日新鮮，話題多多，想睇晒最update嘅樓市新聞短片，即刻click入 http://bit.ly/1M2kP95
|
鍾意就快D Share啦！
|
|
|