網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年3月16日 星期三

分手 3年 何超雲開閘 陳山聰洗底部署翻撻 [FACE - 460] __,山聰,何超儀,何超,超雲,何超雲,陳山聰,MF,

近年積極操fit嘅山聰,早前試過由九龍屋企專登揸車過山頂跑步,貪嗰邊空氣清新啲嘛!封面分手3年 何超雲開閘 陳山聰洗底部署翻撻拍拖2年,13年4月與何超雲正式分手的陳山聰近年積極減肥,戒蒲戒暴食,又搏命跑步兼健身,2年內拍足8套大台劇,近日在訪問中說:「工作行先,希望上天賜個女仔俾我,陪我到老。」十足上進青年。據知新年期間超雲親自聯絡山聰好友郭政鴻,借口與契女見面,實情打探舊愛山聰消息。山聰積極洗 ...


近年積極操 fit嘅山聰,早前試過由九龍屋企專登揸車過山頂跑步,貪嗰邊空氣清新啲嘛!

封面

分手 3年 何超雲開閘 陳山聰洗底部署翻撻

拍拖 2年, 13年 4月與何超雲正式分手的陳山聰近年積極減肥,戒蒲戒暴食,又搏命跑步兼健身, 2年內拍足 8套大台劇,近日在訪問中說:「工作行先,希望上天賜個女仔俾我,陪我到老。」十足上進青年。

據知新年期間超雲親自聯絡山聰好友郭政鴻,借口與契女見面,實情打探舊愛山聰消息。山聰積極洗底,超雲亦 dry足 3年,復合有望喎!

近日於大台熱播的《潮流教主》,稱得上潮人嘅,應只有自備私伙服裝的 39歲陳山聰。反觀與何超雲拍拖時期的陳山聰,身形又肥又腫,難得分手 3年,山聰肯的起心肝減肥,潮味出番嚟。

借契女埋身

上月 13日,超雲自然蒲頭搵郭政鴻拜年,仲 upload埋攬住契女嘅相上微博,唔通想借契女埋身見山聰?(網上圖片)

陳山聰同郭政鴻係 friend就係人都知,咁多年兄弟,過年過節點會唔見面呀!(網上圖片)

戒蒲喪運動

「我未試過工作得咁辛苦,有一晚拍完《刀》(《刀下留人》)嘅打戲,轉妝去拍《殭》,卸妝再拍《刀》,嗰段日子,攰到一坐低就瞓着,但我樂在其中,都唔知當時嘅意志力喺邊度嚟。𠵱家嘅我簡單得多,每一次同家人、朋友嘅聚會都好珍惜,無諗過要做俾邊個睇,只知道要面對自己,活在當下。」

以前和超雲拍拖期間,山聰陪住女友四圍飛歎世界,分手後的山聰脫胎換骨,近年每日都必定抽時間做大量帶氧運動,無論跑步、打拳甚至舞獅,而且戒掉夜蒲習慣,少煙少酒,腹肌、胸肌亦同時返晒嚟。

「山聰自從同超雲分開之後就好似怕咗接近女色咁,出得去食飯行街嘅都清一色係男人,行得埋佢身邊嘅女性,一係就同事,一係就親戚,有時都忍唔住笑佢係咪轉咗性取向!」山聰好友透露。

6嚿腹肌

即將 40歲嘅山聰,身形 fit到爆,再次吸引到超雲係唔出奇嘅!(網上圖片)

搞埋舞獅

2年前山聰和郭政鴻搞咗個舞獅學會,聽講徒弟都唔少㗎!圖片

12年山聰和超雲熱戀期間,二個都又肥又腫,十足暴發戶咁!《忽然 1周》圖片

超雲開綠燈

分手 3年,據知超雲和山聰最初都沒有聯絡,但超雲近月開始向友人問起山聰近況,「超雲近排問過二至三次山聰近況,言語間都有問山聰搵到女朋友拍拖未,不過問問吓又無咗下文,我哋有問佢使唔使做中間人約出嚟大家見番面,佢又話唔使!」

超雲口是心非,其實身體最誠實。農曆年期間,超雲主動搵山聰好友郭政鴻拜年,又話好掛住郭政鴻兩個女,「自從佢兩個分手後,超雲都好少搵山聰嘅朋友,係近幾個月至搵番,我哋都估佢對山聰態度唔同咗。」其實超雲已經 dry足 3年,雖然不時在微博更新近況,但大多都係與家人合照,擺明未有新男友。

生日冇仔

上月超雲生日,雖然有大班朋友陪過,不過冇男友喺身邊,始終係爭啲嘅!(網上圖片)

自與山聰分手後,超雲嘅日常活動就係陪媽咪、陪超蓮同埋陪貓咪。(網上圖片)

《潮流教主》入面,山聰係陳豪教主嘅助手,不過老實講,山聰似教主多啲喎!網上圖片

想生個女

14年山聰回歸大台拍劇,一口氣拍完 8套,連休息都幾乎無機會。「我有鬥心去改、去搏,但呢個鬥心已經唔係年輕時嘅鬥心。以前只想快啲上位做一線、做視帝,𠵱家,咩都經歷過後,覺得所有嘢都係虛無,最實在嘅係開心。」

近日幫大台宣傳《潮流教主》時,山聰對愛情睇法亦漏口風說:「隨緣唔會去強求,但希望再拍拖,對方只係一個平凡嘅圈外人就可以。以前唔想生小朋友,因為賺到錢要去買衫,𠵱家想法變咗,想生個女。有啲嘢係無得後悔,惟有做好𠵱家嘅嘢,希望大家會慢慢接受番我囉!」

準備好咪去馬囉!唔通要超雲做主動咩?

13年分手最後合照

雖然山聰和超雲年齡相差一大截,不過兩個都對時裝充滿熱誠,係夾嘅!《蘋果日報》圖片

過埋 13年嘅情人節後,二人就和平分手,至今到底係咩原因?山聰死都唔講。(網上圖片)

劇接劇嘅山聰,剛完成《火線下的江湖大佬》,仲同香香做埋 friend添!(網上圖片)

以往同超雲拍拖,多去歐洲地方拍拖,如今一支公,行吓東京代官山都自得其樂。(網上圖片)

冇咗山聰做攝影師,超雲好彩仲有超蓮幫手,早排兩姊妹仲去咗泰國同陽光玩遊戲添!(網上圖片)

回帶總是最好的!

當你曾經唔怕大台永不錄用話唔撈就唔撈,𠵱家要日捱夜捱拍膠劇;當你曾經着上身唔係最貴就係 fashion騷 VIP,𠵱家要扮識潮流係鐵嘅陳豪小跟班;當你曾經年中一半時間都喺歐洲仲要坐頭等,𠵱家渡假只可以似小市民去下幾日日本……點解陳山聰要翻兜?唔使問點解喇啩?

網上圖片

同超雲拍拖最繽紛係唔使做一樣好食好住,唔係巴黎鐵塔下就係英倫街頭上,邊似得𠵱家一年拍五套劇至有得粗粗哋遊幾日日本?

《蘋果日報》圖片

最好都係情人眼裡唔怕肥,當年冧得超雲掂,陳山聰體重失控,就算巨臂龍躉三下巴一齊嚟又有咩好驚?使乜節食跑步 keep住個 look呢?

《蘋果日報》圖片

係就係潮開,不過潮極都未上到一線?唔係同何超雲一齊,陳山聰又邊有得同一線星一線名流坐第一行睇 GUGGI時裝騷呢?

《忽然 1周》圖片

一同超雲拍拖,陳山聰入住陽明山莊、喺三太布力徑大宅自出自入、出街有司機去澳門坐私家直昇機,呢啲待遇唔使計喇,捱大台一世都捱唔到。

採訪、撰文:娛樂組


鍾意就快D Share啦!