KisaBBB最初以拍打機片為主，問佢覺得自己靚唔靚，佢就話：「如果靚就唔拍打機片淨係影住個 mon，其實我係想學嘢、想學點剪片至拍片。」
爆 Like王
拍片狂笑露大牙肉 KisaBBB：好多人知我白痴嘛！
網絡女神同一般女神係有分別，網絡女神除咗要靚靚哋之外，性格夠爽夠真至係煞食。
KisaBBB乎合晒以上條件，拍片主要 3種類，打機、飲食同日常，最多人 like佢講笑話時露牙肉狂笑十足楊千嬅，拍片短短 1年已有 4萬幾人訂閱，靚女真係着數啲！但你未必估到癲癲喪喪嘅 KisaBBB原來讀緊中大新聞系，曾經諗過做主播，但係連老師都笑佢冇公信力，放棄罷
F：《 FACE》 K： KisaBBB
F：你覺得女仔拍邊啲片最受歡迎？
K：女仔拍啲露多啲、少布啲一定多人睇，樣唔得你都會講下吖！我唔露因為唔夠膽，我自己有條片去沙灘，去沙灘梗係着泳衣，嗰條片特別多人講，個個都係講身材，其實我只係想 share個背景啫！
男仔拍片會蝕底啲，第一係難儲固定嘅 fans，講真除非好靚仔外形好吸引，否則啲人覺得普通嘢啫！我就鍾意一班男仔拍啲好有創意、估你唔到真係拍出嚟嗰啲，要花心機去製作一條片嗰種。
F：網友好關心你同男友分手，你有乜擇偶條件？
K：同佢性格不合，覺得要斬一斬，啲網友問邊度有表格攞嘛，我冇 form㗎！我鍾意啲成熟啲、 lead得住我，起碼跟住佢多啲嘢學，一齊進步，唔需要高大靚仔，我從來唔睇外形，順眼得喇！
F：好多網友討論你嘅身材，你會唔會詢眾要求性感啲？
K：善意嘅留言梗係開心，「嘩好瘦呀！」雖然唔係，都有啲攻擊性嘅（留言），「嘩好肥呀！減下肥好矮呀！腳粗呀！腳短呀！」嗰啲呢！睇完有啲嬲嘅！睇下有冇得減囉！減到咪減，減唔到咪算囉！我唔會性感，我份人好奇怪，着衫係有少少保守，喺街人哋望住我好尷尬，特別我會 scan到嗰個人望我邊度嘛！我好憎同埋好唔鍾意，所以不嬲着衫好保守，拍片更加唔會暴露，有時唔覺意露咗丁丁咁多，跟住啲人狂留言，總之我會 keep住𠵱家咁。
F：你讀新聞系係咪想將來做主播？
K：最初梗係想做女主播真㗎！但參觀過有線同其他電視台，發覺主播比想像中正經好嚴肅同埋工作性質嚟嚟去去都係咁，都係坐喺度報新聞之嘛！頂多出去訪問下，好悶！好唔啱我性格，加上𠵱家好多人知 Kisa白痴㗎嘛！佢做女主播喎！你會覺得冇公信力，我啲老師都話：「你唔好呀！」我鍾意啲創作多啲、活潑啲嘅工作，唔使坐喺度咁悶吖！
攝影：鄭明川
|
鍾意就快D Share啦！
|
|
|