網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年4月7日 星期四

傅明憲內傷未好 [壹週刊 - 1361] __,傅明憲,M1,

素顏放狗,甩拖一年嘅傅明憲睇落依然心事重重。同你吟一吟傅明憲內傷未好香港寸金尺土,高空發展,有小朋友嘅,租屋買樓盡可能選擇有會所嘅屋苑,因為貪有地方俾啲仔女玩。若然想再open啲free啲,都得!只要唔怕遠咗些少,可以去林憶蓮放狗、李嘉欣帶囝囝Jayden去放電嘅數碼港大草地公園。冇錯,又係呢度,今次見到嘅係傅明憲同三隻北京狗狗FiFi、文文、獅子頭,另外,仲有Soler細孖Dino一家四口加兩隻 ...


素顏放狗,甩拖一年嘅傅明憲睇落依然心事重重。

同你吟一吟

傅明憲內傷未好

香港寸金尺土,高空發展,有小朋友嘅,租屋買樓盡可能選擇有會所嘅屋苑,因為貪有地方俾啲仔女玩。

若然想再 open啲 free啲,都得!只要唔怕遠咗些少,可以去林憶蓮放狗、李嘉欣帶囝囝 Jayden去放電嘅數碼港大草地公園。

冇錯,又係呢度,今次見到嘅係傅明憲同三隻北京狗狗 FiFi、文文、獅子頭,另外,仲有 Soler細孖 Dino一家四口加兩隻狗。

同莊家彬甩拖後,傅明憲考完潛水教練牌,今年初再拎埋個滑雪教練牌,上山下海,努力填充九年情變,不過睇吓佢個樣,就知內傷唔係一時三刻可以搞掂。

對北京狗情有獨鍾嘅傅明憲,目前只係養咗三隻,白色嘅係 FiFi同文文,深色嗰隻叫獅子頭。

行到攰,人狗一齊坐低抖抖。

獅子頭因為脊骨問題唔可以行得耐,要外傭姐姐抱住離開。

舊年考咗潛水教練牌嘅傅明憲,今年初攞埋滑雪教練牌,上山下海都掂。

Dino人狗齊放

至於兩子兩狗齊放嘅 Dino,當日攞埋自己同囝囝架 scooter出動,《壹》仔見五歲嘅 Damiano跌低,想出手扶,點知佢嗌唔好,要個仔靠自己起身;之後兩父子踩 scooter鬥快, Dino亦冇讓賽。唔俾個仔太受保護,混過血嘅 Dino,果然與別不同。

兩父子各自踩住 scooter鬥快, Dino一臉認真,唔讓賽。

大仔 Damiano見到架航拍機,睇到呆晒!

兩公婆帶兩個仔去放狗,兩部 scooter一架 BB戰車,大陣仗。

Dino繑起大髀, B仔挨住老豆坐, fit晒位。

細仔 Orlando仲未滿七個月,腳撐撐,超得意!

撰文:八珍


鍾意就快D Share啦!