網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年4月7日 星期四

帶仔去日本放電 郭晶晶重手七個喼返 [壹週刊 - 1361] __,郭晶晶,M1,

復活節假期,霍啟剛同郭晶晶帶埋囝囝霍中曦飛日本度假,玩足八日。探熱針帶仔去日本放電 郭晶晶重手七個喼返國寶郭晶晶退役南下,12年與霍啟剛拉埋天窗並誕下慈姑椗霍中曦(Lawrence),為霍家啟動第四代。上週二(29/3),一家三口由東京度假返港,負責拎行李的霍啟剛先出閘,郭晶晶抱住囝囝尾隨。出世後罕有曝光的Lawrence已經兩歲半,眼仔碌碌,勁多表情,愈大愈似老豆!阿爺有投訴老爺霍震霆曾經踢爆自 ...


復活節假期,霍啟剛同郭晶晶帶埋囝囝霍中曦飛日本度假,玩足八日。

探熱針

帶仔去日本放電 郭晶晶重手七個喼返

國寶郭晶晶退役南下, 12年與霍啟剛拉埋天窗並誕下慈姑椗霍中曦( Lawrence),為霍家啟動第四代。

上週二( 29/3),一家三口由東京度假返港,負責拎行李的霍啟剛先出閘,郭晶晶抱住囝囝尾隨。出世後罕有曝光的 Lawrence已經兩歲半,眼仔碌碌,勁多表情,愈大愈似老豆!

阿爺有投訴

老爺霍震霆曾經踢爆自己個仔霍啟剛同新抱郭晶晶,係怪獸家長!孫仔 Lawrence人仔細細,就開始返 playgroup,係「繁忙兒童」!

阿爺肉赤,霍啟剛兩公婆收到晒!安排長假期,帶埋囝囝出埠放電抖抖,去日本玩足八日。

上週二晚,一家三口返抵香港。推住行李的霍啟剛先行出閘,隔幾分鐘,郭晶晶才抱住 Lawrence現身,兩公婆一前一後行去停車場,保持一貫低調。

兩歲半的 Lawrence沿途不時兩頭望,又指手畫腳和媽咪傾偈,已經兩歲半的他眼大嘴細,頭髮濃密,同老豆霍啟剛倒模一樣,相當精靈。

兩歲半的 Lawrence同爸爸倒模一樣,眼仔碌碌好精靈。

郭晶晶湊仔,霍啟剛落手落腳搬行李。

等車期間, Lawrence指手畫腳不停同媽咪講嘢。

八日大豐收

去到停車場,霍啟剛先安頓妻兒上車,再同司機夾手夾腳搬行李上車,八日旅程,收穫豐富,戰利品足足塞滿四個大喼,另加三個細喼,塞爆車尾箱。

為免囝囝過度曝光,霍啟剛和郭晶晶平日甚少帶同 Lawrence到公眾地方活動,所以每逢長假期,兩公婆必定安排出埠,享受家庭樂。剛過去的農曆新年,一家三口先返郭晶晶老家北京兩日,之後直飛韓國,再玩一星期。

早前郭晶晶現身碧咸嫂新店撐場,並透露將會同老公出戰內地真人騷《極速前進》第三季,與「欄王」劉翔較量。

真人騷過招

下月,郭晶晶將會孖住老公參加內地真人騷《極速前進》第三季,「欄王」劉翔亦是參賽者之一,高手過招!為了叉足電應戰,郭晶晶近日已開始投入操練,加強體能。

「個節目下個月就開始拍,又要去北京、雅典、羅馬好多個地方,每個地方起碼去一個星期,所以有好多準備功夫要做定。晶晶係運動員個底夠厚,好易進入狀態,啟剛同老婆拍檔亦唔衰得,而家兩公婆一齊操,晶晶做埋老公教練。」知情者透露。

去年一家三口行超市,郭晶晶被發現用齊廣東話、英語、普通話同當時只有歲幾的囝囝溝通。

12年正式成為霍太的郭晶晶,一年唔夠就誕下 Lawrence,為霍家開枝散葉。

婚後霍啟剛夫婦被安排入住沙宣道二千呎新居,距離霍家大宅只有一分鐘路程,方便爺孫見面。

霍啟剛兩公婆安排 Lawrence密集式返 playgroup,被爺爺霍震霆公開投訴好怪獸。

絕少曝光

霍中曦 13年出世至今,在微博發過兩次全家福外,這個霍家第四代亦甚少在公開場合露面。

大宅食飯

13年,郭晶晶首次被拍到與霍啟剛帶埋同年 8月出世的 B仔返霍家大宅午飯。

快閃超市

15年,霍啟剛一家三口帶埋外傭姐姐到渣甸山超市入貨,磨足個多小時,離開時郭晶晶發現記者,即緊張地一手抱 B兼遮面,再一支箭上車。

秘密練水

14年,「跳水皇后」郭晶晶被拍到帶九個月大的霍中曦到霍家泳池練水,將霍家大宅泳池變成訓練池,秘密練兵。

唔好閃燈

14年 5月,晶晶抱仔到中環 shopping買童裝衫再行超市,發現記者後即緊張地叮囑不要用閃光燈,其間 B仔不時好奇望鏡頭。

撰文、攝影、攝錄:娛樂組


鍾意就快D Share啦!