「屋邨仔」出身的吳業坤年頭憑歌曲《原來她不夠愛我》人氣爆燈，過去半年憑廣告、電影及商演勁賺七位數！孝順仔坤坤原來已計劃用「百萬彈藥」做首期，圓成置業夢。猶記得坤坤來自單親家庭，坦言承認母親曾靠攞綜援來養大他和妹妹，所以，希望有足夠能力下必讓母親和妹妹住得更好，坤坤有感近月樓市急瀉，手頭「百萬彈藥」終於儲夠「上車」，據知在樂富區公屋長大的坤坤，正物色同區的四、五百萬二手私樓單位，一於脫貧升呢做業主！
身價達六位數
至於坤坤這次有望「上車」，亦算是配合天時地利，正正樓市走下波，而坤坤半年來單單廣告收入便相當和味，先後拍了面膜、靈芝、洗頭水及茶餐廳，尚有兩個廣告在籌備中，加上周六、日跑商演，有時撞檔期分身不暇，令至少有六位數酬勞「白白流走」。據知坤坤未紅時廣告薪酬近五位數有交易，現時身價已經「翻四番」，就連電影客串亦達六位數收入，真係今時唔同往日！
M巾廣告照殺
而坤坤的唱片公司亦幫他功勞不少，不停為他接job。據聞除了避孕套及壯陽藥不考慮讓坤坤做代言人外，其他就如女性用品廣告都會給坤坤做代言人。坤坤接受《東網》訪問時坦承有認真睇樓。問到買樓目標價幾錢？他說：「四百幾萬度。（半年身家變百萬？）嘩，唔知呢，自己有打簿仔，係見到有筆錢嘅。（話你儲夠首期買樓？）係有睇過樓盤，想買番住緊呢區同屋企人住，主要都係黃大仙區，天馬苑、翠竹花園呢啲，淘大花園都有睇。（目標幾錢？） 四百幾萬。（換埋車？）都想換，因為嗰架成日有意外，但唔係換貴車，諗住買架十萬蚊樓下用嚟代步。」講到星娛樂讓他接M巾廣告，他坦言不介意，更試過幫妹妹及女朋友買M巾，不覺尷尬。問到哪位星級女友曾獲此待遇？他抵死笑說：「唔記得我咁多『女友』！」
以坤坤的心水屋苑來說，位於黃大仙區的天馬苑屬抵買樓盤之一，如果不嫌屋仔細，約338至415實呎的單位最平，約320萬有交易；同區的翠竹花園單位較大，不過約500實呎的單位叫價約500至545萬，坤坤要買就要再努力儲錢；九龍灣的淘大花園是大型屋苑，勝在交通方便，如果要450萬以下單位，只有285至390實呎選擇。其實坤坤仍有其他選擇，例如鄰近港鐵站的龍蟠苑和豪苑，兩個屋苑300多實呎的單位都是約400萬。
|
鍾意就快D Share啦！
|
|
|