蘇志威冇食早餐就跑，劉小慧笑言呢個時候唔再鬧佢喇，但言談間都係對老公充滿怨氣。
蘇志威今早跑街馬時，因身體不適暈倒送醫院，經醫生檢查後無礙，他亦親告平安後已低調出院，他太太劉小慧接受《東網》電話訪問時，表示：「佢無事有心，佢已經返咗屋企休息。」
問她可被老公暈倒入院一事嚇一跳？她表示：「咁又冇喎！因為知佢冇事，係阿智（蔡一智）通知我老公入院，話跑街馬唔舒服暈倒要Call白車送院，你有冇睇我節目？我好正能量，唔好啲嘢唔會發生喺我身上，亦唔好提示我呢啲唔好嘢，最緊要依家個人冇事。」可會鬧老公身體不適又不食早餐就跑街馬？她說：「呢個時候唔鬧佢啦，仲好啦，既然佢自己提示咗自己會注意身體，我成日叫佢唔好咁夜瞓，放工返嚟屋企仲喺度hea唔休息，我諗佢係因為本身唔係好舒服，又冇食早餐，最弊佢好怕淋雨，因為佢怕凍嘛。佢都唔細5月3日50歲啦，5月1日會幫佢開party慶祝。」
來源 source: http://hk.on.cc
|
鍾意就快D Share啦！
|
|
|