不忿陳淑蘭擺上枱周永恒發難爆粗走人
被喻為「世紀賤男」的歌手周永恒（Roy）早前為ViuTV節目任嘉賓，該節目前晚播出，沒料到Roy被主持蘭子、美容達人嘉賓陳莉敏及另一任職按摩女郎的嘉賓言論辣着，接住拂袖兼爆粗離開錄影廠片段也同樣出街。昨日Roy在Facebook炮轟被人擺上枱，指陳淑蘭及陳莉敏唔跟稿、明踩暗寸，及後他接受本報電話訪問，指節目為利益消費別人傷口。不過，ViuTV公關表示Roy於節目出街前曾看過剪輯版本，當時表示滿意，故對其言論感奇怪；蘭子就否認寸Roy，重申火藥味只營造氣氛。
由陳淑蘭主持的ViuTV綜藝節目《晚吹-總有一隻喺左近》，早前請來歌手周永恒（Roy）及美容達人陳莉敏任嘉實大談「賤格」主題，節目前晚播出，惟內容火藥味十足，蘭子不時寸Roy英文用字兼詞不達意，又問QQ會否鍾意賤男，當時Roy已揚言被兩女挾住答問題，情況混亂：
陳淑蘭：蘭 周永恒：R 陳莉敏：Q
蘭：（問QQ）你有冇鍾意過賤男？
R：（托頭笑）
蘭：我唔係指佢（周永恒），因為佢係男性嘛，咁陣間講女性，我又會指佢，唔好誤會，唔好多心呀！
R：唔緊要（笑）。
Q：男人唔會因為你係賤女人而我好Like你，好Love你，唔會。
蘭：我哋公平啲，頭先係對賤男睇法，轉頭返嚟畀機會你（周永恒），睇番賤格嘅女人，男人係咪會愛多啲呢？
R：昆X我上嚟，仆X嚟o架，啱啱問咗你仲XX。
蘭：唔係。
R：仆X，坐低咗你兩個o趙Ｘ我，我覺得有啲唔公平嘅（開始上火），你就攞住啲雜誌睇到嘅嘢嚟「行」我，我完全唔知發生緊咩事，你話佢點賤法都好啦（笑）。
亂噏英文Shuffle
R：其實嗰段時間呢，啱啱講咗Shuffle
蘭：其實係咪Shuffle呀？
R：Shiffle嗎？
Q：我諗你係Confuse。
蘭：Truffle我就知，食得嘅。
R：我唔知自己想點，是但啦，我讀到中四咋，唔好意思呀！
蘭：咁你就唔好講英文
R：我真係唔知，中文我又未……是但總之咩話？Confuse。
嘉賓：冇見好似你咁賤
蘭子接着請出一位按摩女郎講述對賤男的睇法，沒料對方把Roy「賤男」icon入晒腦，直指無人能及他那麼賤，因而觸動Roy神經，隨即起身爆粗兼拂袖而去，此時攝錄機還未有停下，繼續拍下Roy情緒激動，連環爆粗場面。
女嘉賓：我冇見好似你呢個（Roy）咁賤嘅。
蘭：我唔係講佢（周永恒），係講你嗰啲，唔係講呢度。
R：（起身走）唔X玩，走！
（此時Roy於錄影廠繼續鬧）R：都唔係咁，我上嚟畀你玩，依家算點？你影乜X嘢相？影乜X嘢呀？
（女嘉賓尷尬繼續發表講話！但蘭子與QQ則面露尷尬之色。）
（及後於節目完結前，蘭子為內容作出總結）
蘭：有時賤格定義太廣，多謝周永恒（望住空櫈握手）
（此時周再步入錄影廠）R：我哋講番先。
蘭：我作為主持人我會問。
R：主持人係中立嘅，我發覺畀兩個女人夾緊啫，完全唔覺得你有中立角度，你好型做到。
蘭：頭先Anna（女嘉賓）我哋都冇同佢Brief呢樣嘢，所以Roy……
R：我知！
「形象令人對號入座」
蘭：你有某方面形象令人對號入座，我都有同佢（女嘉賓）講，頭先講嗰樣嘢唔係嗰樣嘢。
R：同佢討論緊究竟你覺得，佢覺唔覺得係嘛！（寸）
蘭：你覺得好似我哋屈Q你咁，但係我哋冇夾，賤格講半個鐘，你拉咗去某啲位嘅時候，我要拉番落去呢個題目度，因為唔係我去搵你講人性黑暗面。
R：係喎！（冷言）明白，你啱。
蘭：唔啱咪大家講到啱。
R：你啱，Very Good（豎拇指），我尋日只係瞓唔夠，唉，對唔住囉！（笑）
蘭：其實我幾Buy你，有啲人賤格係賤喺入面，有啲人係做畀你睇，有Guts，有啲人堂堂官面，但其實做啲嘢好衰，你覺得敢做敢認，我覺得呢個Point你可以講，呢個位幾好。
R：冇呀，走得（起身走人）
蘭：多謝晒！
收3宗投訴
ViuTV節目《晚吹》系列以大量「嗶」聲遮掩粗口及令人不安的酷刑環節，通訊事務管理局表示至昨日為止共收到3宗投訴，主要投訴節目低俗不雅、有粗鄙語言及超越「家長指引」類別尺度，據知通訊事務管理局會就部分投訴進行內部研究及處理。
文：影視組
|
鍾意就快D Share啦！
|
|
|