女神冇人鍾意？講唔過去喎！
35歲劉心悠在旺角出席奇華嫁喜禮餅活動，她在新一輯廣告中與型男Adam有不少親密鏡頭，活動中劉心悠與Adam大跳華爾茲，又攬到實及面貼面進行遊戲，心悠害羞得面紅耳赤，她接受訪問說：「因為跳舞個人熱，同埋自己都好容易面紅，可能新陳代謝快。」
唔覺欠缺吸引力
自言沒有拖拍的劉心悠，工作上經常與靚仔合作，可惜卻一直未有撻着機會，心悠笑說：「係呀，我好幸運出道以來同好多靚仔合作過，可能感觀麻痹咗、麻木咗，覺得見到靚仔係好自然嘅事。（有冇同拍檔撻着過？）冇呀，大家都好專業，同埋好多對手都結咗婚。（有冇懷疑過自己吸引力？）唔會，可能係對方吸引唔到我，或者係我條件吸引唔到對方啫。」
半年內唔諗拍拖
問到她是否要求過高？心悠謂：「唔係，反而外表唔重要，開工成日都見到靚仔，自己會鍾意一啲型格啲或者係有才能，好似識煮嘢食，因為我真係唔識煮嘢食。（會唔會學煮嘢食？）要等我遇到啱先會去學，咁會幾sweet，如果唔係好似變成理所當然。（有冇拍拖？）冇，半年內都唔諗，因為要拍戲。（有冇諗過生BB？）如果真係冇結婚、冇拖拍，將來都會考慮領養BB。（唔結婚都可以生BB？）係呀，不過都希望遇到個同我生嘅人，睇緣份啦。」
來源 source: http://hk.on.cc
|
鍾意就快D Share啦！
|
|
|