2016年5月25日 星期三

【壹週刊】離譜!凍飲加4蚊》大快活知衰今日撤銷 __,M1,

旺角不少茶餐廳,轉凍飲都係加兩蚊,甚至有餐廳不用加錢。熱飲點先變凍飲?除咗加冰,仲要加錢。一般茶餐廳熱飲變凍飲,多數都係加兩蚊,而大型連鎖快餐店,好似大家樂、大快活同美心,就要加三蚊。不過,大快活早前就靜雞雞將轉凍飲價加到四蚊。嘩,好貴啫。經常光顧快餐店嘅阿傑,昨日去大快活食午餐轉飲凍檸茶時,才發現要多收四蚊,職員話凍飲加四蚊已推行咗個多星期。阿傑認為,快餐店凍飲加三蚊已經好貴,現在仲加到四蚊,簡 ...




其他影片:>>






旺角不少茶餐廳,轉凍飲都係加兩蚊,甚至有餐廳不用加錢。熱飲點先變凍飲?除咗加冰,仲要加錢。一般茶餐廳熱飲變凍飲,多數都係加兩蚊,而大型連鎖快餐店,好似大家樂、大快活同美心,就要加三蚊。不過,大快活早前就靜雞雞將轉凍飲價加到四蚊。嘩,好貴啫。經常光顧快餐店嘅阿傑,昨日去大快活食午餐轉飲凍檸茶時,才發現要多收四蚊,職員話凍飲加四蚊已推行咗個多星期。阿傑認為,快餐店凍飲加三蚊已經好貴,現在仲加到四蚊,簡直離譜。《壹》仔昨日下午五時多,去到屯門一間大快活了解情況。《壹》仔買咗一個二十六蚊嘅茶餐,飲凍檸茶,職員話總數三十蚊。《壹》仔質疑點解多咗一蚊,旁邊另一位職員就話,之前變凍飲收三蚊,現在加到四蚊。而《壹》仔昨日向大快活集團了解事件,查問為何會加價?有否考慮市民負擔能力?是否要賺到盡等問題。大快活即日回覆話,是在本月19日調整轉凍飲收費,又解釋話已超過6年沒有調整飲品價格,是次價格調整主要原因是原材料價格上漲,又話集團已盡量承受其帶來的影響,迫於無奈才加價。可能經過《壹》仔查詢,該集團可能擔心「凍飲加四蚊」引起公憤,所以決定於今日(5月25日)開始,熱飲轉凍飲變回三蚊。撰文:程志康

攝影:金文 王晴

大快活早前就靜雞雞將轉凍飲價加到四蚊。

鍾意就快D Share啦!
Related Posts Plugin for WordPress, Blogger...