名模貝安琪（Ankie）與藝人王嘉慧（Jessica）之前應吉隆坡電視頻道Life Inspired及泰國旅遊局邀請，到泰國拍攝特輯《Lady's Journey》。繼之前到清邁、布吉、曼谷等地拍攝打拳、飲食等片段後，二人日前再到蘇梅拍攝「女人至愛」的Spa及沙灘做瑜伽及打高爾夫球等片段。節目將於六月份在myTV SUPER、樂視及now多個電視台的Life Inspired頻道中播放。
瑜伽＋按摩更有Feel
今次Ankie去了蘇梅以「全天然」環境作招徠的Tamarind Spring歎spa，最特別的是以享受瑜伽的方式去做泰式按摩，對身為瑜伽導師的Ankie來說特別有Feel；而Jessica則去了蘇梅一個五星級resort內的Cave Rai Ra歎spa，該地方設計得猶如山洞一樣，同樣甚有大自然感覺！不過該個按摩環節的亮點，除了是靚景外，貝安琪的湯碗胸亦是亮點，只見背面全裸的她，雖然已經整個趴在床上，但側面望，仍可隱約看到她的湯碗胸，加上背面仍留有Bra帶痕，噴血程度爆燈。另外，兩位美女不約而同化身出水芙蓉，更露出享受狀，成功為節目升溫。
Ankie事後接受《東網》獨家訪問時表示：「今次拍攝最後一站係蘇梅，其實我好鍾意泰國文化、食物同環境。雖然今次拍咗十幾日，但我感覺自己好似度緊假咁！我都好鍾意做spa，可以Relax吓，平時喺香港我都會做按摩減壓，不過泰國嘅按摩當然最鍾意。我都好想再去多次Tamarind Spring，因為真係好舒服，去到呢個地方乜嘢壓力、煩惱都冇晒。同埋今次係我第一次打Golf，原來自己都打得ok！」
恨再拍無綫劇
提到香港的工作，Ankie坦言之前拍了一條短片《FAUSTINE》，更做埋製作兼女主角，該短片更被選入康城短片系列。另曾拍無綫劇集《巨輪》的她，坦言希望再拍無綫劇，並謂之前在無綫學到很多東西。
與狗仔互動減壓
至於Jessica則坦言因自己是處女座，屬完美主義者，所以經常會給自己壓力，壓力大時會吃東西、做運動及打英式桌球減壓，她又謂：「壓力大時，除咗做運動，我會放狗同狗仔玩，自己養咗六隻狗，每次同佢哋玩都會令我減壓。」
|
鍾意就快D Share啦！
|
|
|
