阿信屋減少推出折扣優惠差不多一星期，老闆林偉駿就話人流明顯減少，透過會員卡購物的人數由高峰的48萬減少至40萬人，但生意額仍維持到每日600萬元，雖然市況差，但他認為仍未到最壞的情況：「如果到10月旺季後個情況冇好轉，咁就真係大鑊啦。」林偉駿表示，阿信屋閒日人數的確比以前減少，但近日在周末做8折仍然能吸引人流，認為情況未去到最差：「閒日生意一向少，但周末就多人，而家做8折都仲有人幫襯，仲賺到錢就得，如果8折冇人，要做7折先吸引到人，咁先會蝕錢。」他透露，4月30日至5月2日期間，做咗8,000萬生意額，：「通常減少折扣都係流失客人，等佢哋消化吓啲價錢，慢慢適應返就得。」他指出目前最熱賣的是米糧等食品。他續指，因為日圓持續上升，加上剛剛加了9%人工以及加了一成獎金，加上舖租又加，成本持續上升，因此折扣只會越來越少：「以前做日圓對沖，賺到錢咪可以減價，但而家升咗幾乎冇錢賺，冇得做太多折扣，如果日圓繼續升，唯有加價，但競爭對手一樣要加，所以日圓匯率唔係我最擔心既問題。」林偉駿承認現時市道較差，但租金不跌反升，要寄望10月旺季時才能好轉；「唔係想唱淡，但市道的確差咗，而家係捱到10月，睇吓中秋節，聖誕個氣氛有冇好轉，如果到時消費唔得，就大鑊啦，情況有幾差我都唔識講。」掌握財經生活資訊，即Like「蘋果ATM」fb專頁
http://fb.com/appledailyatm
|
鍾意就快D Share啦！
|
|
|