何超蓮話出街都要全女班，唔想太多花邊新聞，驚畀媽咪鬧。
賭王何鴻燊三房千金何超蓮今日出席《零殘害．無動物測試慈善相展》，超蓮姍姍來遲，遲到五十分鐘，到場後她否認遲到，她說：「我冇遲，一路跟大會call time。」現場展示了超蓮為今次相展的拍攝的六張相片，她透露花了兩日時間拍攝。問爹哋有冇睇過啲相，她說：「未，佢哋送咗大相架畀我，我會逼佢掛喺房。」
超蓮剛過生日，大會還特別安排了生日蛋糕祝賀壽星女，她謂生日全女班去了韓國三日旅行，問為甚麼不叫上男朋友？她說：「都冇男朋友點預。（咁多唔多追求者？）全部朋友。（有冇啲有好感可以做男友？）有男友會話你哋知。」問到前男友吳克羣及緋聞男友柯震東有沒有跟她說生日快樂，她說：「有send短訊。（開P請唔請佢哋？）唔會，唔怕畀你哋影？就算朋友對大家嚟講一定又係緋聞，唔想有太多花邊新聞，驚畀媽咪鬧，依家主力做嘢先，出街盡量全女班。」
買畀BB嘢送李蘊
問到她的生日願望，超蓮說：「希望工作上快啲有成績，同埋開餐廳，依家都做緊酒店有關嘅嘢。（開邊類型餐廳？）唔講住，希望年底可以開到，我都識煮嘢，但唔會做大廚，會幫手設計餐牌，家姐超雲都會幫手。（好友G.E.M.、李蘊會否入股？）唔會，我自己開，佢哋會嚟幫襯。」另外，早前李蘊與G.E.M.原本想為她慶祝生日，但她卻沒有出現，即在IG道歉兼指會跪玻璃，問她有否的跪玻璃？她說：「講笑啫，我嗰日鬧鐘真係唔響，自然醒，瞓到一點半，佢哋話要跪keyboard，我約咗佢哋下星期食。（李蘊個肚好大？）係，好快生得，我已買咗好多嘢畀bb。（有冇買上契金碗？）冇，我唔識，唔知呢啲，番去問吓阿媽先。」
來源 source: http://hk.on.cc
|
鍾意就快D Share啦！
|
|
|