陳奕迅話唔介意囡囡係同性戀，佢係好open嘅爸爸。
歌手陳奕迅出席領賢基金慈善活動時，坦言自己已參與數年，並非常欣賞基金會主席張王幼倫。問他的女兒陳康堤（包包）多不多接觸藝術？他說：「佢接觸音樂多啲，好鍾意聽歌、睇戲，我覺得OK，因為課本（讀書）好辛苦。（你自己會唔會教佢唱歌？）我冇文憑，所以未有資格，但我可以分享。」
想同童童合唱
而提到陳奕迅曾坦言非常欣賞王菲的女兒竇靖童（童童），問會否讓包包多接觸童童？他說：「童童好少喺香港，同埋佢哋兩個都好怕醜。（你想唔想同童童合唱？）好想，希望有機會，但佢好似唱英文歌多啲，其實我真係覺得童童好有型、好正。（覺唔覺得啲人留意佢性取向多過佢嘅音樂？）咁香港讀者相對覺得呢樣嘢特別有興趣，我就好open嘅。（如果你個女係同性戀或者同女仔玩得Close，係咪都係咁Open？）我覺得冇乜所謂，係佢自己選擇自己嘅伴侶，選擇自己嘅路，但我其實覺得肉體唔重要，心靈上嘅溝通重要啲。」
來源 source: http://hk.on.cc
|
鍾意就快D Share啦！
|
|
|