最強娛樂資訊App《東網巨星》推出全新娛樂節目《東網Baby大作戰》，每集邀請不同女星於節目內接受挑戰，實行集娛樂及刺激於一身！今集則由34D亞姐冠軍張家瑩（Grace）擔任嘉賓。身為運動健將的Grace可謂入水能游出水能跳，她初時自信十足地說：「想挑戰我，放馬過嚟」Grace今集要挑戰的是四大懷舊小學雞玩意，那些年的集體回憶。
轉書變自轉
第一關，是大家上堂時覺得無聊會做的動作—轉書，Grace需要在兩分鐘內轉書轉足三秒！本來自信滿滿的Grace挑戰了一分鐘後便發現困難，她說：「轉書真係好難呀！」不停再跌再轉，連Grace也自轉埋一份，但也無補於事，最後挑戰失敗。
咀嘴劍球
第二關是日本小孩玩意劍球，Grace要在兩分鐘內將劍球上的紅色波波入到劍尖上兩次，對於從未玩過劍球的Grace來說難度達十級，不過她竟然花了二十秒就成功做到一次，但第二次就花上不少時間，直至剩下最後十秒，她再次創出奇迹，完成今次任務，連她自己也意想不到，做完即刻時要咀嘴劍球。
出動上帝之手
來到第三關踢毽，Grace要在兩分鐘內連續踢毽五次，由於Grace手長腳長，似乎非常有利，一開始已經輕易連續踢到四次，大有機會闖關過功，可惜一直突破不到四次，Grace在情急之下出動上帝之手，並裝作天真地問：「用手計唔計？」當然最後功敗垂成，她也不禁說：「玩呢個真係好攰，搞到我索晒氣。」
唱小學生之歌
最後一關頗考體能，Grace要在一分鐘內一邊唱歌一邊跳繩，期間不能停止，否則要由頭開始計時。Grace配合主題地唱了首小學生之歌「Do Re Mi」，大展歌喉，跳繩對Grace來說毫無難度，一直保持頗快速度，不過臨近尾聲她忍不住大叫救命：「完未呀？唔得喇！好攰呀！救命呀！」但最後也順利過關，她笑言：「平時多啲跳繩，真係減肥好好，啲心肺功能全部有郁，正！」
Grace在四關之中，兩勝兩負，成績不過不失，由於每關失敗要做平板支撐三十秒，Grace共要做六十秒平板支撐作為大懲罰，以為對向來有做運動的她來算只是小菜一碟，但Grace做了不夠三十秒她已經開始震，只堅持了四十秒她便投降：「好辛苦，我唔得喇，我痛呀！睇吓滴晒汗，你放過我」看來Grace要好好加強腹部鍛煉喇！
Profile
姓名﹕張家瑩
英文名﹕Grace
名銜﹕2007年亞洲小姐冠軍
出生日期﹕1月3日
身高﹕173cm
體重﹕54.5kg
三圍﹕34D 、23、34
場地提供﹕小時光Scoool
|
鍾意就快D Share啦！
|
|
|