「凍齡魔男」孫耀威（Eric）出道24年，在中港台是「吃得開」的藝人，唱歌、拍劇樣樣精，更是早期返內地拍劇掘金的藝人，身家「唔嘢少」，數年前更向商界發展，分別在台灣及上海投資開餐廳及酒吧做「老闆」，可惜卻屢遇挫敗，雖然「慘敗收場」蝕了二分之一身家，高達千萬！但Eric仍「我心不死」將基地搬回香港繼續發展其「大生意」。
藝人做生意甚艱難
久未在港露面的Eric為六月初有份演出的音樂會接受《東網》專訪，講到兩年來像「退出樂壇」，Eric自爆因將大部份時間從商轉做生意人，跟著名法國服裝品牌設計師Christian Audigier合作做洋酒、傢俬及時裝等生意。不過，藝人做生意大多都有血有淚，Eric亦不例外：「會畀人呃，甚至睇中你藝人身份去威脅你嚟得到好處。」
抄人惹糾紛
Eric又曾於2013年台灣搞餐廳，本是雄心萬丈，可是「嗰頭開業，轉頭又結業」，被控違建而停業，不料禍不單行，又於2014年在上海開酒吧時，跟其中一名女員工鬧勞資糾紛而告上法庭。
Eric細談「慘事」：「因嗰位女員工做嘢懶散先解僱佢，但事隔一個月，嗰位女員工以已懷孕為理由，要求我公司賠償40個月薪金畀佢，否則話會喺微博『唱衰』我『炒大肚婆』，件事鬧上法庭，我本來想照賠畀佢，但公司同事話唔好，覺得唔應該畀佢得逞，幾經斡旋下，我只賠咗一個月人工畀佢，個女仔好開心咁收咗，我覺得佢係想呃得一蚊得一蚊囉。」
繼台灣的餐廳開業第二天即被控違規停業，再遇呃錢員工，連續受挫嚇怕拍檔要即離場，留下爛攤子給Eric執手尾，他稱生意最高峰時曾僱用過百員工，為做個「良心老闆」保員工飯碗，他惟有咬實牙關撐到盡。
蝕錢當上堂
問Eric生意上可蝕了八位數？Eric亦大方承認：「千萬以上就一定某啲人令我失望啫，咪當係上咗一課囉。」至於花上千萬投資的台灣及上海兩店，現在已結業，Eric謂現時的實店是繼續做洋酒生意的辦公室，香港亦有品牌發展出來的時裝同飾物等品牌，他又預計：「最快有實體嘢都要到暑假，希望好快步入收成期啦。」
演藝投資計劃
問他可會再做幕前賺快錢，他承認幕前工作是最快賺錢的方法之一，覺得某些事是不能不做，他謂：「因為計劃咗好耐，亦相信自己眼光，有籌備啲演藝投資計劃，自己寫咗六、七個劇本，如果搵唔到人投資，到時就自己拍囉！」
Eric強調沒有離開過演藝界，只是之前用太多時間投放在生意上，亦因為專注生意，令他原定的出唱片及演唱會計劃擱置，現他最想將生意及演藝crossover齊Project，又坦言：「當然希望賺到錢，唔係掟咗啲錢冇回頭啦，咁樣好Hurt！」
髮型：Sunny Yu@Hair Culture
化妝：Yen Lai
場地：hmv Bar & Restaurant
|
鍾意就快D Share啦！
|
|
|