網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年5月4日 星期三

嚴重畏高!王浩信被吊高五層樓冇感覺? __,王浩信,

就算有嚴重畏高都仲咁博命,王浩信認真敬業。藝人王浩信憑早前播映完畢的無綫劇集《EU超時任務》「渠頭」一角爆出,更被網民推選為今年「視帝」候選之列。現時一劇接一劇的浩信剛剛於越南為劇集《致命復活》拍攝返港,隨即要在香港拍攝該劇外景。日前他於大角咀為《致》劇拍攝一場吊威吔戲份,真係博晒命!吊威吔吊足5粒鐘劇情講述曾被綁架禁錮的浩信患有創傷後遺症,性格變得愛「玩命」。拍攝當日,浩信要拍攝一場吊高拉Ban ...


就算有嚴重畏高都仲咁博命,王浩信認真敬業。

藝人王浩信憑早前播映完畢的無綫劇集《EU超時任務》「渠頭」一角爆出,更被網民推選為今年「視帝」候選之列。現時一劇接一劇的浩信剛剛於越南為劇集《致命復活》拍攝返港,隨即要在香港拍攝該劇外景。日前他於大角咀為《致》劇拍攝一場吊威吔戲份,真係博晒命!

吊威吔吊足5粒鐘

劇情講述曾被綁架禁錮的浩信患有創傷後遺症,性格變得愛「玩命」。拍攝當日,浩信要拍攝一場吊高拉Banner的場口,他被吊至五、六層樓高之餘,最後一個鏡頭,更要由貨車跳下來。當日拍足五個多小時,全身綁了威吔的浩信就吊到索晒氣,現場亦有20、30名臨時演員吶喊助威。

自爆有嚴重畏高

浩信事後接受《東網》訪問時,坦言此劇動作場口甚多,拍攝至今自己亦瘦了五磅。有畏高的浩信更謂:「今次係我吊(威吔)得最高的一次,就算我係嚴重畏高狀態,都完全冇晒感覺,好似拍緊Super Hero片,隨時真係飛起咁,感覺真係堅離地!」

「渠頭」帶挈收入增加

說到現場不少途人都大叫「渠頭」,浩信坦言:「的確現時啲人叫我『渠頭』多過浩信,不過呢個都係開心嘅,起碼佢哋心入面仲有『渠頭』。(「渠頭」一角為你帶來不少進帳?)好榮幸地工作都多咗,都拍咗保險及牙膏廣告,全部都係開心價。」而浩信拍《致》劇都已四、五個月,拍畢後他就會跟太太及女兒去旅行休息一下。不過他的檔期亦排得相當密,劇集方面已排到明年年頭,浩信透露六月將要籌備拍攝另一部劇集,會跟唐詩詠有不少對手戲,更會與不同地方演員合作,於內地及台灣取景拍攝。


來源 source: http://hk.on.cc
鍾意就快D Share啦!