深水埗元州街一間麻雀館，昨晚11時左右，一名53歲女子到來耍樂，打200元、400元一舖牌，惟手氣欠佳輸了8千元，其後加碼打300元、600元，仍然未能番本，欠200元找數。她聲稱沒有港幣，掟出一叠人民幣在麻雀枱，叫職員拿去兌換及找數，言語間與職員爭執，她被指「搞事玩嘢」，遭5至6名「睇場」男子推撞及毆打，她致電其誼弟求助。誼弟等到場，職員給他看閉路電視，力證沒有打人，只是有推撞。此時女事主蹲在麻雀館外的地上，拒絕送院，擾攘近半小時。其誼弟向她說：「你依家畀人烚呀，咁都唔出聲。怕咩啫，你依家畀人打嘛，你真係有畀人打！」另一名友人亦說：「香港法治之區，你唔使驚，交畀警方調查。」惟女事主似乎欲息事寧人，支吾以對。不過，有在場雀友稱，女事主輸了沒錢找數，職員叫她起身，「佢唔肯起，言語上可能有咩爭執，個女人郁手，扯佢件衫，扯到件衫爛咗，跟住職員分開佢哋」。該名雀友又指：「女事主身上有錢，但係人民幣，佢攞過300定400蚊人民幣出嚟。」警方到場調查，相信女事主及一名40歲男職員均有動手，將兩人拘捕，男職員送院。女事主在救護車上檢查後，拒絕送院治理。據稱，女事主做走水貨生意，負責分貨給水客，頗能賺錢，加上愛好打牌，因此常到雀麻館耍樂。想睇最新消息？ 即時follow【現場－蘋果突發】fb！http://fb.com/applecitycrime
|
鍾意就快D Share啦！
|
|
|