三位靚媽齊齊合照！
李蘊（Renee）尋日生咗B女，升呢做媽咪！契媽G.E.M.（鄧紫棋）同何超蓮就齊齊去B女，三位靚媽仲嚟咗張世紀合照添，G.E.M.留言話：「我的乾女兒好可愛好可愛好可愛！而我好開心好開心好開心！好激動，一看到她什（甚）麼都說不出只是一直說她好可愛，哈哈哈哈！詞窮了！羅小寶貝，你的三位媽媽愛死你了！」睇嚟呢三個阿媽都真係好開心呀！
超蓮事業心重
《東網》聯絡到超蓮，問佢見證好姊妹李蘊升呢做媽咪有咩感受？佢話：「好開心，好感動，好興奮，我同G.E.M.仲興奮過媽咪（李蘊）本人，自己都感覺好似做咗媽咪咁。」超蓮之前已經有一個契仔，依家多咗個契女，湊成一個好字呀，佢就話假如日後結婚生子，都希望係一仔一女。不過，佢坦言依家冇結婚生B嘅衝動：「因為我只係二十五歲，想喺事業上拼博一下先。」超蓮又話會同G.E.M.合送手鏈。講到上契儀式，佢就話已經問過媽咪：「媽咪話要等BB大個啲先，到時準備金碗、金筷子等禮物才進行上契儀式。」
來源 source: http://hk.on.cc
|
鍾意就快D Share啦！
|
|
|