連食物都係愈難愈愛？
「呢間嘢好出名，出名難食！」當聽到這句說話，你還敢進店開餐嗎？旺角一間位於後巷的隱世食肆，面積不過百呎，舖內最多只可放三張摺枱，平日即使行經亦容易錯過，無名小店，卻以「極級難食蠔仔粥」聞名，員工態度竟出奇地友善，令人不禁懷疑，該店食物到底有幾「難食」？
東網記者到訪該間位於旺角黑布街的食店，店舖負責人Benny解釋，「其實個名都係老闆想搞下爛gag，意思係『好難食到嘅蠔仔粥』，等多啲人問下，吸引啲嘛。」他表示，菜名推出至今一直備受關注，但蠔仔粥其實未算「極級難食到」，皆因該店每天早上都會預備充足材料，確保全日都可無限量供應。
「我哋湯底係魚湯嚟，每日朝早返嚟煲3個鐘。啲蠔又係揀過晒、搵生粉過幾次水，豬肉都係自己醃嘅。」Benny強調，該店食物「冇落味精」，麻油亦採用日本貨。「好難食到」的蠔仔粥，所指的或者是坊間難有如此嚴謹又講究的製成品。
除此以外，該店餐牌還有不少搞怪名字，如「十二道風味」食品，其實是包括大口銀針粉、南乳雞翼等菜式，亦有名為「自選情人、獨行俠」，其實是滷水小食套餐。「我哋食物款式比較少，想做精啲，主要係圍村風味食物，唔想賣咁多款，驚品質難控制。」Benny表示，食店老闆為圍村人，這些食物都是老闆「由細食到大」，望能與眾同享此味道。
該店去年10月開業，每日由下午開至凌晨，Benny透露店內有4名夥計，眾人與老闆相識超過10年，早已甚具默契，而現時食店生意「過得去」，主打「夜遊客」消夜生意。訪問尾聲，Benny向記者解釋店名「119」的意思，「 即係日日夠，笑容夠，錢又夠，咩都夠咁」Benny認為，該店以開心為上，主要希望客人個個食得開心，便是店舖的最大回報。
來源 source: http://hk.on.cc
|
鍾意就快D Share啦！
|
|
|