阿根廷喺美洲國家盃決賽同智利激戰120分鐘後，互射12碼不敵對方飲恨，除咗「豬隊友」希古恩連續3年喺大賽決賽射失單刀，美斯喺互射12碼階段為阿根廷第1個主踢，射上半空同樣係失盃罪人，唔能夠正式登上球王寶座。
開波23分鐘，阿根廷已經有機會開紀錄，可惜希古恩把握對手犯錯單刀竟然射失，繼14年世盃同15年美洲盃後，連續3年喺大賽決賽糟蹋單刀機會。5分鐘後，馬些路戴亞斯兩黃一紅被趕出場，連累智利打少1個，造就阿根廷一度控制大局。
只不過，完半場前馬高斯盧祖從後攔截對手領紅牌被逐，導致阿根廷失去人數上嘅優勢，隨後時間智利形勢上反而較好，伊度亞度華加斯嘅底線窄位勁射，更相當有威脅，可惜被羅美路撲出。至於阿根廷，就只有阿古路窄位射高有些少睇頭。
結果兩隊90分鐘打成平手，需要加時分勝負。加時上半場，阿歷斯山度士傷出，智利又開始陷入被動，不過阿根廷始終入唔到波。互射12碼階段，智利有維達爾率先射失，但阿根廷跟手有美斯同碧基亞射唔入，最後輸2:4連續兩年決賽不敵智利。
值得留意嘅係，美斯出道至今，國際賽上只係贏過05年U20世青盃同08年奧運金牌，無論係14年世盃，抑或07年同15年美洲盃，同樣喺決賽輸波飲恨，所以非常恨捧盃，可惜佢自己射失完，又見隊友射門被擋出，搞到佢即時揭起波衫遮住個樣，冇面見人。
劉浩龍 Vs 湯文亮
今個夏日大爆足球金句！！仲有獎抽呀！
足球狂熱，席捲2016夏日。明星隊、財經名人隊喺「星級擂台」大鬥金句，每個賽日都咁好睇，今日明星隊派出劉浩龍、財經名人隊由湯文亮壓陣，實有精彩嘢。睇完金句，記得玩埋抽獎，豐富獎品等住你，快啲去彩報網頁 http://win.on.cc 參加喇！
獎品包括最新9.7吋平板電腦、Samsung Galaxy S7及Gear VR、雙人來回倫敦機票連住宿及波飛，好吸引呀！
推廣生意的競賽牌照號碼：047186
|
鍾意就快D Share啦！
|
|
|
