掃呢頁CODE去手機

2016年6月28日 星期二

諗過坐監 羅鈞滿鬆口氣等公司「再判」 __,羅鈞滿,

羅鈞滿指已得到教訓,會同公司講番判決,亦會承擔後果。藝人羅鈞滿今早到觀塘裁判法院,就被控醉駕聽取判刑,最終獲法庭判罰100小時社會服務令,停牌2年,並需參與駕駛改進課程。望可以準時返工羅鈞滿步出法院後接受訪問,他對判決表示:「我尊重法庭判決,希望可以參與無償工作回饋社會。(停牌對你影響大?)事發後都已經唔敢揸車,始終係自己做錯要面對,希望都可以準時返工。(仲飲唔飲酒?)應酬上嘅會作出選擇,其實我都 ...


羅鈞滿指已得到教訓,會同公司講番判決,亦會承擔後果。

藝人羅鈞滿今早到觀塘裁判法院,就被控醉駕聽取判刑,最終獲法庭判罰100小時社會服務令,停牌2年,並需參與駕駛改進課程。

望可以準時返工

羅鈞滿步出法院後接受訪問,他對判決表示:「我尊重法庭判決,希望可以參與無償工作回饋社會。(停牌對你影響大?)事發後都已經唔敢揸車,始終係自己做錯要面對,希望都可以準時返工。(仲飲唔飲酒?)應酬上嘅會作出選擇,其實我都做好多運動,保持狀態,冇必要都唔飲,飲完酒會行遠啲離開架車,我都擔心呢次事件影響形象,希望可以成長,得到教訓,感激呢幾日送上問候嘅同事。」

冇請律師

他又自愧對不起家人,他說:「好對唔住屋企人,雖然我同父母、親友講唔使擔心,依家算鬆口氣,會盡快通知佢哋法庭嘅判決。(之前有做心理準備要坐監?)有做過最壞打算,我由第一堂開始已經冇請律師,係想一人做事一人當,我都知呢個刑罰可能去到監禁。」

會承擔後果

問到TVB對他有何安排,他說:「會同公司講番法庭嘅判決。(擔心公司有處分?)之前我都因為呢個案件而有劇被抽起(易角)。(被判社會服務令,鬆口氣?)畀我可以有時間反省自己,或者我唔應該再好似之前咁,咁執着自己嘅諗法。(怕唔怕公司同你終止合作?)公司會先留意咗個判決,我都明白合約有呢方面嘅條款,我會承擔後果,自己其實一向守時,用心工作,入行以來無論角色大小從冇推通告。(會通知樂易玲法庭判決?)今日有經理人陪我,應該都會轉告。」

唔會再令家人傷心

他續說:「尋晚本來諗住早啲瞓,好啲狀態上庭,但凌晨五點醒咗,望住天光,有啲沉思,之前的確係發夢夢過自己上法庭,令我知道唔好再做呢種事,唔好令屋企人傷心。(父母有冇為你擔心而喊?)我知道佢哋擔心我,父母畀咗個好家庭我成長,我知爸爸雖然唔多出聲,但都擔心,今後我做事會諗清楚。今日父母冇嚟聽審,我晏啲會同佢哋食飯,因為屋企人最緊要。」

羅鈞滿完成訪問後,與經理人徒步到附近停車場,再由經理人充當司機,他則乖乖坐在副駕駛座,做一個乘客。


來源 source: http://hk.on.cc
鍾意就快D Share啦!