裕美近日被指背圈外人老公林恩浩（Jason）暗交無綫藝員黃子恆，連日爆出涉家暴及疑有情慾短訊，裕美聲稱正搞離婚，Jason就拍片話冇辦離婚，仲寸爆情敵黃子恆，叫對方如果真心愛裕美，就唔好留低裕美一個(新聞連結：http://bit.ly/1UJ0p33)。裕美自從爆出「偷食事件」後，佢以唔舒服及發燒為由，連日前原定喺馬鞍山出騷，佢都臨時缺席，一直未有公開現身，今早為電視劇《心理追兇》喺九龍灣拍外景，在場約三十名記者守候，裕美喺今場戲得兩句對白，講佢行落嚟畫花架車，原定9點出現嘅裕美，一直留喺crew車。直至9點50分，裕美終落車蒲頭，面對現場30個記者，只見戴着白色帽，着背心啡色長裙嘅裕美，一臉愁容。當記者要求佢面對鏡頭時，裕美都顯得合作，企定定任影，場面亦都好混亂，一度有記者跌倒，裕美都有出手扶記者起身，記者問佢心情點，經理人文迪見記者問問題，先叫裕美上返車，過咗一陣，裕美先再落車，接受媒體訪問。佢直言同老公2014年已分開，但就冇講係唔係涉及家暴，透露自己喺不安同恐懼之中，同老公分開咗，去咗朋友屋企住，佢亦全程係咁道歉，因為自己唔識處理呢件事，佢認有同黃子恆聯絡，呢幾日大家都有慰問對方，不過同老公就冇聯絡，最後90度鞠躬再次講對唔住，佢認目前單方面搞緊離婚，又稱自己係今年同黃子恆發展感情，但佢當時同對方講同老公分開咗，對於呢件事連累咗黃子恆，裕美同對方講對唔住。另外，黃子恆早前亦解釋喺大半年前喺公司識裕美，識佢之後從佢口中得知佢同老公分開咗，喺朋友嗰度住，瞭解到佢嘅處境之後，想保護佢、支持佢，又直認有同裕美聯絡(新聞連結：http://bit.ly/24ZLneB)。
| (攝影：梁繼光、朱志聰) |  裕美最早拍片，但講「偷食」事件竟欲哭無淚。 |  Jason早前拍咗條片，片長約1分鐘，一直木無表情，講同裕美未離婚。 |
 黃子恆亦喺ig出片解畫，講自己同裕美嘅「不倫戀」。 |  人妻裕美同圈外老公林恩浩(圖左)婚姻現危機，裕美近日被爆背夫偷嗒無綫藝人黃子恆。 |  |
 |  |
|
鍾意就快D Share啦！
|
|
|