楊怡對於被指同胡定欣爭演《溏心風暴3》，佢就話唔緊張，想搞好婚禮先！
藝人楊怡（阿怡）、林海峰、鄭中基及樂基兒於尖沙咀出席nowTV節目巡禮活動。當中阿怡以露背短裙示人，她於遊戲環節被司儀揶揄「錫住」足球員謝德謙，她聞言不禁隔空向老公羅仲謙晒恩愛：「冇錯，有呢個名（意指謙字）係（對佢）好啲！」
向老爺賣口乖
談到婚禮，阿怡表示籌備過程感吃力：「冇咩頭緒。（叫老公諗？）佢好忙，開緊工。但盡量想大家都有意見，唔想單方面得個人意見。」問到阿怡婚後如何與老爺慶祝？笑稱忘記父親節日的阿怡即時賣口乖：「祝uncle身體健康，心想事成！（食飯慶祝？）唔知uncle有冇約，但唔一定要父親節先食，平時都可以食！」問到她何不為老爺生個孫仔當送禮？阿怡扮傻玩食字說：「孫？酸梅乾呀？」
同無綫保持友好
問到阿怡首次出席其他電視台活動的感覺？她直言感覺並無不同：「最驚記者令我難堪，依家自由身可以睇多啲。（酬勞？）開心價。」問到她會否為Now拍節目？阿怡稱有適合的機會都可洽談。談到其娘家無綫，阿怡直言保持友好關係，不排除有合適角色就再合作。
唔理不和傳聞
提到有指她和胡定欣爭演劇集《溏心風暴3》，阿怡說：「好慘，成日講我哋鬥爭。依家我唔緊張，想搞好婚禮先。」問到她出席其他電視台活動，會否影響與無綫關係？阿怡大讚無綫錫自己：「冇咁小器，公司好錫我，我咁乖，應該冇問題！」
來源 source: http://hk.on.cc
|
鍾意就快D Share啦！
|
|
|