黃子恆認錯攬上身「好想保護佢」
現年28歲的人妻歌手裕美傳與34歲無綫藝員黃子恆發展婚外情，裕美的老公林恩浩（Jason）日前更拍片發出「最後通牒」，急召黃子恆站出來認愛。黃子恆昨日終於上載短片認錯，坦言沒有了解清楚裕美與Jason的關係，揚言「一人做事一人當」，但矛頭直指Jason涉家暴。至於身為裕美好友的名媛黎曉靈，看過短片後狠批黃子恆「扮英雄」兼勸喻他別「乘人之危」！
裕美早前被拍得與無綫藝人黃子恆密會，被指搞婚外情，她隨即拍片自揭與結婚兩年的Jason情已逝，現正辦理離婚手續，但事情沒有因此告一段落，其後再爆出裕美遭家暴，更有疑似裕美與黃子恆的情慾短訊流出，鬧得滿城風雨！Jason日前「有樣學樣」拍片自白，指未聽聞過離婚一事，更急召黃子恆：「若黃生喜歡裕美，應該出嚟承認！」網上同時流傳多段疑似是Jason的聲帶，有人揚言隨時可以「做冧條仔」！
直指牽涉家暴
黃子恆連日來全程「潛水」，直至前晚才現身電視城，雖然全程避談事件，但預告會拍片上載至Instagram解釋事情始末。昨晚約凌晨3時，黃子恆先上載一段轉載自外國網站的動物片，本人則沒有拍片露面。「說好的解釋」最終於昨午約3時出現，黃子恆上載了兩段共兩分鐘的短片，見他仍穿着前晚露面時的藍色恤衫，面容憔悴，但全程尚算淡定，一字一句都說得很流暢。
片段中，黃子恆首先作道歉，並透露裕美牽涉家暴：「大半年前喺公司認識裕美，認識佢之後，從佢口中得知佢同佢老公分開咗，喺朋友嗰度住，當中嘅原因係因為牽涉一啲家暴問題，但當時佢唔敢同其他人傾訴，我再慢慢了解佢嘅情況。」然後堅定地說：「了解到佢嘅處境後，我好想保護佢，支持佢。」儘管黃子恆沒有應Jason要求公開認愛，卻間接承認與裕美有非一般友誼關係。
甘願接受批評
其後，黃子恆表示願意承擔責任，更強調一人做事一人當：「事情發展到呢步，我知道已經影響咗公司，影響到其他人。若然公司就呢件事對我任何處分，我甘願承擔，一人做事一人當，而外界對我嘅任何批評，我都甘願接受。」片段尾聲，他將責任攬上身，坦承有錯失的地方，更力撐裕美並送上摰誠的祝福：「喺整件事入面，我確實有錯失嘅地方，就係冇清楚了解，佢同佢先生嘅關係清楚咗未。裕美係一個好善良嘅女仔，我唔希望他日再見到佢嘅時候，仲係好似之前咁活喺陰霾之下，而係可以開心、愉快、安穩咁生活嘅一個女仔。」
至於裕美原定前日出席公開活動，最終稱因病缺席，至今仍未對事件作進一步回應，不過今日會為劇集《心理追兇》開工，同劇演員還有藝人楊明及王君馨等；而Jason繼日前上載自白短片後，亦沒有再更新任何動態。
採：影視組、名人組
文：專案組
|
鍾意就快D Share啦！
|
|
|