2016年6月1日 星期三

朱滙林:【有律師唔做】朱滙林死慳儲百萬開炒雞店 __,

朱滙林法律系畢業之後冇做律師,反而做空少同藝人,最近佢就同朋友夾份開咗間韓式炒雞店,踏上創業之路。無綫藝人朱滙林(William)修讀法律系,但畢業後沒有踏上律師之路,反而做空中少爺去遊歷世界。他於2007年參與無綫的演藝新進選拔賽,成功出道做藝人。演過不少劇集,並憑處境劇《愛.回家》的李志成(醒哥)一角打響名堂。日使50蚊儲足十年William日前請來前港姐好友莊思明(Lisa)到其位於大角咀新 ...


朱滙林法律系畢業之後冇做律師,反而做空少同藝人,最近佢就同朋友夾份開咗間韓式炒雞店,踏上創業之路。

無綫藝人朱滙林(William)修讀法律系,但畢業後沒有踏上律師之路,反而做空中少爺去遊歷世界。他於2007年參與無綫的演藝新進選拔賽,成功出道做藝人。演過不少劇集,並憑處境劇《愛.回家》的李志成(醒哥)一角打響名堂。

日使50蚊儲足十年

William日前請來前港姐好友莊思明(Lisa)到其位於大角咀新開張的韓式炒雞店「B家닭갈비(Dakgalbi)炒雞專門店」試菜。兩人聚頭大談創業背後的辛酸!William自爆每日僅花50元過日子,「死慳死抵」10年,終於儲到約100萬元,於是冒險以畢生積蓄,與友人合資開炒雞店。他說:「同朋友每人夾100萬,我儲咗10年錢,計埋飲飲食食,每日最多使50蚊。呢筆錢未買到樓,咪博吓做生意。」

搵星炒熱個場

William透露曾高價競投年宵攤位賣吹氣玩具,雖然吸引很多年輕人幫襯,但利潤甚少。他說:「捱幾日通宵都賺唔到錢,最後平手走人。」得此經驗後,他決定運用藝人的人際脈絡作宣傳。他稱:「我明白喺無綫要等機會,所以空閒時間就增值自己,搵其他工作寄託。做藝人唔太穩定,不如趁有人識我或我識好多藝人朋友嘅時候去試吓搞生意,可能會有啲噱頭。」自食店開張後,《愛.回家》拍檔高海寧、朱璇、黎諾懿等經常到場飯敍,令食店變成「星」級之選,幫手催旺客源。

苦學韓文

為了開餐廳,William更多次飛往韓國學師,誠意十足!他指店舖所用的醬料、食材、飲品等均由韓國空運抵港。為了深入了解韓食文化,William更苦心學習韓文與韓國師傅交流:「開餐廳籌備咗兩年,我就學咗兩年韓文。要真正了解當地文化,真係要靠語言。」

擬與莊思明合作

Lisa曾開設服裝店賣晚裝,結果於租約完結前舖位水浸,最終與東主不歡而散。創業上觸礁的她直言要再接再厲,向妹妹莊思華(Mona)Sell橋轉戰馬來西亞飲食界。她說:「之前賣靚衫始終唔係必需品,但食就係必須,經濟幾差人都要食嘢㗎。所以Mona想將呢個模式搬到馬來西亞搞,因為當地只得傳統韓燒烤肉,價錢仲好貴。但呢個炒雞模式young好多,價錢又可以大眾化啲,所以有得搞。」問二人何不合作,將韓菜及馬來西亞菜來個crossover?William笑稱相信與Lisa會成為partner:「佢不嬲話OK,但想有完善計劃先。(驚大家唔夾而鬧交?)生意上總會有傾唔到嘅地方,但人夾人,我同佢應該會忍讓對方,我哋夾到嘅。」


來源 source: http://hk.on.cc
鍾意就快D Share啦!