2016年6月1日 星期三

復辦港男混戰港姐WinWin雙贏 __,港姐,

陳凱琳讚無綫搞港姐、港男合併騷新鮮感十足。
復辦港男混戰港姐WinWin雙贏無綫又有破天荒新搞作!計劃今年的香港小姐與香港先生選舉合而為一,實行「搞大佢」!無綫更寫包單,得主將獲全面力捧!綜藝科製作資源總監余詠珊有信心可一新觀眾耳目,但否認無綫此舉乃回應ViuTV實況選美節目,她甚至直言:「佢哋嘅選美節目,開放年齡選美,我喺亞視時已做過,都冇新鮮感。」陳凱琳讚無綫搞港姐、港男合併騷新鮮感十足。無綫一年一度的盛事《香港小姐競選》,自1973年 ...


復辦港男混戰港姐WinWin雙贏

無綫又有破天荒新搞作!計劃今年的香港小姐與香港先生選舉合而為一,實行「搞大佢」!無綫更寫包單,得主將獲全面力捧!綜藝科製作資源總監余詠珊有信心可一新觀眾耳目,但否認無綫此舉乃回應ViuTV實況選美節目,她甚至直言:「佢哋嘅選美節目,開放年齡選美,我喺亞視時已做過,都冇新鮮感。」

無綫一年一度的盛事《香港小姐競選》,自1973年舉辦首屆起,至今已43年,為突破傳統,今年港姐將史無前例地與2012年已停辦、於今年復辦的《香港先生選舉》(港男)合併競選,兩個大騷合而為一,並於8月底舉行。

三高層加拿大揀蟀

無綫除全力將此大騷「搞大佢」外,更承諾今年誕生的港姐、港男得主,將獲全面力捧!無綫更會採取貴精不貴多方針,兩邊名額各佔約十餘個,令觀眾焦點更加集中,對候選者更加入腦!

無綫三大高層包括助理總經理杜之克、綜藝科製作資源總監余詠珊及製作資源部總監樂易玲,稍後更會遠赴加拿大溫哥華及多倫多,因當地適逢舉行華裔先生選舉,三人將實地揀選高大、俊朗、健碩優質男士,務求將更多靚仔、靚女帶回港參賽,讓觀眾一飽眼福。

袁偉豪對今年港男拉隊到新西蘭,覺得是騷Quali的好時機。
  • 袁偉豪對今年港男拉隊到新西蘭,覺得是騷Quali的好時機。
陳庭欣
  • 陳庭欣
麥明詩將在今年的港姐選舉中卸任。
  • 麥明詩將在今年的港姐選舉中卸任。

余詠珊認為港姐、港男合併舉行,體現合則兩利的優勢,她說:「之前TVB喺宣傳myTV SUPER嗰陣,已經預告今年將會復辦《香港先生選舉》,而港姐已經舉辦咗咁多年,係咪可以做啲轉變?一直都有合併嘅構思,今年正好為呢個年度盛事錦上添花!(一晚之內選港姐又選港男,唔怕觀眾混淆?)唔怕,我哋好有信心節目會好睇,會令觀眾覺得好有新鮮感!(TVB因應ViuTV實況選美《美選D.n.A》作出呢個部署?)開放年齡選美,我喺亞視時都做過,冇新鮮感!不過我哋唔會理人哋做乜,會做好自己,對觀眾有交代先。」

翟威廉幾乎要舉埋腳贊成再搞港男。
  • 翟威廉幾乎要舉埋腳贊成再搞港男。
去年的港姐選出美貌與智慧並重的佳麗,有條件嘅,今年咪執輸。
  • 去年的港姐選出美貌與智慧並重的佳麗,有條件嘅,今年咪執輸。
港男選舉今年捲土重來,令人期待。
  • 港男選舉今年捲土重來,令人期待。

陳庭欣認同構思

港姐、港男出身的冠軍級人馬,對「合併」構思讚不絕口,2013年港姐冠軍陳凱琳大讚構思新鮮:「夠新鮮,係新嘗試,多咗唔同平台去做呢件選美事,可以提高選美質素。」2010年港姐冠軍陳庭欣更以「過來人」身份力證構思好Work:「我當年選都係同港男一齊搞宣傳,我都相信咁樣會好睇,男仔同場趣味性都多啲啦,合併咗就可以一晚睇晒靚仔、靚女,無綫搞慣大騷,可能會喺紅館搞添,咁件事都幾爆!」

翟威廉願操肌上陣

2007年港男冠軍袁偉豪亦大讚合併有新鮮感:「夠得意、有噱頭,到時應該好似個晚宴咁,要搵個大地方一齊玩,我好樂意做嘉賓。(要你晒肌有冇問題?)睇環節需要。」2010年冠軍得主翟威廉則說:「合併Idea好有創意,夠話題性。(想做評判?)睇佢哋要唔要我除衫,如果要,我早啲操肌,因為拍埋現屆港男,一定會被比下去,我隨時可以操肌」至於2009年冠軍許家傑則建議:「可以加野外訓練環節,展示港男內外俱備,港姐就美貌與智慧並重。」

文:影視組


鍾意就快D Share啦!
Related Posts Plugin for WordPress, Blogger...