女神除咗夠靚之外，一定要夠遙不可及，所以亮相一陣就走人，係正常嘅，好似係...
現年34歲嘅韓國女星全智賢，雖然已經做咗人妻兼人母，但唔代表佢唔再活躍於娛樂圈。之前憑韓劇《來自星星的你》橫掃亞洲嘅佢，雖然今年二月先生咗個仔，但係佢話咁快就「復出」搵奶粉錢，除咗秘密拍廣告，同埋嚟緊會同李敏鎬合作拍新劇之外，原來佢亦都有趁湊仔空檔出活動搵真銀，今日佢就飛咗去上海喇！
由於全智賢對上一次公開露面已經係舊年十月，所以大家對佢相隔成七個月之後再「回歸」十分期待，而女神亦都冇令大家失望，佢以一身修身連身黑色裙配三吋高踭鞋亮相，除咗夠晒大方，體態亦相當靚，對腳超幼之餘，塊臉好似仲尖過以前。
雖然女星Keep得咁弗，但佢就冇多作停留等大家可以多啲時間一睹佢嘅風采，反而亮相咗五分鐘就閃人，有啲失望咯。
來源 source: http://hk.on.cc
|
鍾意就快D Share啦！
|
|
|
