龔嘉欣話因為劇中角色先與黃宗澤以老公老婆稱呼，但今後可能要改口！
藝人龔嘉欣今日露出小蠻腰，現身柴灣為美容院拍攝廣告，她表示：「今年上半年已經拍咗3個廣告，護膚品、麵包店同埋呢個美容院，收入比去年多三倍，打算12月生日前買樓，要預備姑婆屋畀自己。（咁灰？）冇法，好多人都話同我住緊嘅姚子羚就快嫁人，我要為將來打算，諗住先買間屋畀自己，有能力再買一間畀屋企人。」
強調冇飲醉
最近與黃宗澤（Bosco）傳出緋聞的她說：「我都唔知點解我哋劇集《幕後玩家》嘅group chat相會流出，仲將我哋大合照裁淨我同Bosco，我同佢係因為劇中角色關係，至互相以老公、老婆相稱，我要強調我冇飲醉，我只係飲一啖香檳就面紅紅啫！（話你稱呼Bosco媽媽做阿媽？）個個都係咁叫伯母，Bosco都話唔叫阿媽叫咩？或者我哋今後改以龔小姐、黃生互相稱呼對方。（打算揪出放相黑手？）唔諗住啦，自己都有責任，以後會檢點啲，暫時唔退group住，但會唔講嘢一排先。」
來源 source: http://hk.on.cc
|
鍾意就快D Share啦！
|
|
|
