陳法拉咩事咁捨得嘅？
陳法拉雖然近年去咗美國讀書，好少喺香港公開露面，但唔代表佢忘記咗香港嘅粉絲，仲成日喺fb玩直播將佢嘅近況大放送。
呢日，陳法拉就直播剪頭髮嘅一幕（唔知呢個係咪舞台劇嘅新造型呢？），仲要素顏上陣。雖然只係剪頭髮，但法拉都勁肉緊，當髮型師一嘢剪落去嘅時候，佢不斷發出慘叫聲，仲狂嗌：「好痛。」雖然認真講句，剪頭髮真係唔會痛，但小編估計法拉想表達嘅應該係心痛，真係聽見佢嘅慘叫都戥佢心噏。
話咁快，髮型師就剪咗一大撮頭髮，目測應該有成呎咁長，而當髮型師將剪落嚟嘅頭髮交畀法拉嘅一刻，法拉即刻拎上手係咁揈，感覺相當可愛。而肉眼所見，法拉嘅頭髮唔單止「又黑又亮」，而且仲好有彈性，啲髮質靚到不得了，連法拉自己望多兩眼，都忍唔住高呼「啲髮質幾靚」喎。
而呢條片雖然只係上載咗兩個鐘，但已經有成7.8萬人瀏覽，估唔到剪個頭髮都咁多人睇，真係厲害。而網民大致嘅留言如下：「啲頭髮可以拎去捐」、「素顏都好靚女」、「不想你剪」、「cut so long」、「你剪走了三千煩惱絲，但剪不斷成千過萬的粉絲，髮可斷、情不斷」，最後呢位網民又幾有創意喎。
來源 source: http://hk.on.cc
|
鍾意就快D Share啦！
|
|
|
