藝人陳凱琳（Grace）出席時裝活動，現場有近百人圍觀，Grace更獲大會送上生日蛋糕預祝6月23日生日，現場更大合唱生日歌，令她開心又驚喜，表現風騷。受訪時，Grace表示好感動，因為有粉絲到場又舉牌，正忙於拍劇中未必有時間開生日會，當預先慶祝先。早前Grace已獲不少朋友預祝生日，問到切了幾多個生日蛋糕？她說：「本身好鍾意食蛋糕，唔係生日都會買蛋糕獎勵自己，所以冇數。」
感謝好姊妹預祝生日
提到一班姊妹陳瀅、蔡思貝等早前為她預祝生日，她直言當日是驚喜，沒想到會買蛋糕，覺得好sweet。問到是否等男友鄭嘉穎驚喜？她謂：「唔使咁多驚喜，心血少，佢又知道我鍾意簡簡單單，大家都開緊劇，如果抽到時間食餐飯，已經滿足。（男友詐型話你忙過佢？）係咩？差唔多啦，大家開緊劇，可能我開古裝個化妝時間多啲，依家要開外境又開廠，開心但好熱。」
練劍拍戲攰爆
提到在無綫古裝劇《翻生武林》扮演錦衣衞的Grace，是否已開始拍打戲？她表示開始練劍，要天氣更熱先會打。問到生日有沒有申請假期？她說：「我唔會為生日而去請假，工作上度過好開心。（男友請假？）開工，喺廠見。（等收佢送禮物？）冇乜特別，冇乜想要，費事浪費，等佢爭住我先，想要咩先話佢知。（生日願望？）健健康康，開心。」她又謂拍劇要大體力，更答應大家不要再瘦，體重與選美時差不多。她透露在劇中功夫了得，劇中男都只拿一把劍，她側要用雙刀演出：「練完膊頭都會攰，返到屋企散晒。（拎刀起晒繭？）係，都係熟能生巧。（叫男友幫你按摩做生日禮物？）叫佢做我替身。（佢擔心你練得多？）佢擔心天氣，驚我中暑，叫我睇實自己。」
提到父親節如何慶祝？Grace表示因為明日要開工，所以今晚一家人食飯，而男友今晚就要開工缺席，但已先跟陳父講下次再請他食飯。
|
鍾意就快D Share啦！
|
|
|