黃光亮惡搞「黎明Rap」賀父親節！
膝下無兒的黃光亮，坊間常笑他與王祖藍似樣而給二人取名為「失散父子」，事實上，黃光亮明白到「兒女債」之苦，所以與結婚多年的太太有共識不會生兒育女，不過，亮哥對自己的父親，其實很有心，父親節雖在19號星期日，但他已提早與80多歲的爸爸食飯慶祝。
爭啲同香香上契
最近播完的《火線下的江湖大佬》的結局中，岑麗香做了黃光亮的契女，現實生活中，二人曾一度想上契，後來亮哥認為上契責任很大，又不想是那些「哎吔」契仔契女，經過思量，香香亦有同感，最後二人成為好友，結誼情緣留在心中便可。
亮哥接受《東網》訪問稱：「我同香香都係玩認真，唔想求其，亦唔需要名份，感情好放喺心裏面就得！（契仔、契女多嗎？）我都有兩個，一個美國一個加拿大，佢哋會有表示嘅，冇嘅話實畀我鬧！」
將《真的愛你》改詞
自幼受澳洲樂隊BeeGees影響而愛上唱歌的黃光亮，亦有留意黎明「橫店Rap」而忽發奇想，愛搞鬼的亮哥特別趁父親節，來個《黎明「橫店Rap」惡搞二次創作》，只花了大半小時，便將Beyond的《真的愛你》中段歌詞改咗兩句，以Rap版唱出，他笑言以「兒女債」角度出發：「凡事要睇得闊，明知係兒女債，都要知道點去處理，所以我改咗：（沒法解釋點解你係我父親，所以大家嘅愛意要寬大到無限！）當中學問好深，要寬大先可包容！」
來源 source: http://hk.on.cc
|
鍾意就快D Share啦！
|
|
|