「先生，你好。分享入行20年其中一次的親身經歷。有人向身邊關係親密的女長輩提出，如果能安排及答應見面，即時送上過千萬豪宅一層及新款名車一輛，更重申這只是初步，誠意陸續有來。「而女長輩成功促成見面，能即時收取20萬元現金作感謝。然而本人一向所有朋友關係從友誼開始，所有情侶關係從愛情開始；因此非以上形式建立之關係絕非本人一貫作風。過去20年碰上情況，我也是謝絕有關安排，今天也是如此。謝謝。」大佬呀，李珊珊依家係義賣后冠做善事，唔係去飯局呀！！！人家冇話等錢使，亦唔需要賺呢啲錢。仲有，當年(唔知幾時)，有中間人搵李珊珊去飯局，如果肯應承見面，即時送上過千萬豪宅一層及新款名車一輛，而且，只係誠意金，之後陸續有來。依家，你開價100萬，做咩啫？淡出娛樂圈多年嘅李珊珊，原來仍然收到不少飯局邀請，今朝一早十一點幾，呢位「中間人」已經開工，喺微博問珊珊：
「飯局100萬，請回覆，價錢很高」見珊珊唔覆，再問:「李小姐你好，有廣州富豪邀請你出席私人飯局，請你盡快回覆我，或加我WeChat。」都係唔覆，中間人急喇:
「請盡快回覆我」
「請進(盡)快回覆我」珊珊仍然唔騷佢。點知又有中間人問:「Hello李小姐，請問工作怎麼聯繫你？」由朝早十一點到依家係咁push。煩不勝煩，珊珊接受《蘋果》電話訪問時就話喇:「微博寫晒嘞，冇乜嘢再回應，亦冇補充，已經係過去事情冇乜特別，只係分享例子，話畀人聽我作風係咁，一視同仁。（唔係第一次被邀飯局？）老實講，絕對唔係第一次，但都會友善處理。」
|
鍾意就快D Share啦！
|
|
|