裕美婚變，被爆暗交無綫藝員黃子恆發展婚外戀，裕美即承認與Jason正辦離婚手續，又拍三分鐘片段表示兩人婚後一年感情已出問題。裕美與黃子恆秘戀見光，黃子恆一直潛水，至於裕美與Jason雙方好友陸續發功，男方好友及教友怒爆裕美不守婦道，又突然流出疑似裕美與黃子恆的情慾短訊，揭示兩人交往至少已有半年；至於女方密友就爆男方家暴，又指裕美一直死忍云云。至昨日，再有疑似裕美丈夫聲帶流出，開名直斥黃子恆「搞我老婆」，該男聲更問對方係咪「好想成名」、「算下自己前途」，並稱:「我俾一日時間你，你即刻消失，如果唔係，你自己快啲算下，你自己前途係點樣，我相信真係無可限量。」今日(18號)凌晨12時，好時辰，Jason仿傚裕美，於白牆前拍自白片，標題為「給我受影響的朋友同家人！」放上fb。片長約一分鐘。Jason身穿白恤衫，神情嚴肅宣告：「對於連日嚟嘅報道，我想同我嘅朋友同家人講聲對唔住，我唔係公眾人物，喺事件發生嘅時候，我唔識處理，我唔識得任何嘅PR或者語言偽術。我並無收過自己即將離婚，或者搞緊離婚，我自己聽到都好愕然。「我請所有我所謂嘅朋友，你哋唔好再放料喇。我聽好多人講，裕美呢幾日病咗或者發燒，請你哋放過佢，俾啲空間佢，放過大家。拜托。「我係一個男人，我會出嚟承擔。黃生，如果你真係鍾意裕美嘅話，麻煩你出嚟承認，唔好再俾裕美一個人受千夫所指喇。裕美其實係好單純嘅，請大家保護佢，唔好再落井下石。」拍完，眉頭緊皺的Jason伸手關了拍攝機，全片他都是神情木然，顯然傷得甚深。
|
鍾意就快D Share啦！
|
|
|