石排灣邨近月驚現懷疑𥄫女打J男！（讀者提供）
香港仔石排灣邨近日驚現𥄫女打J男，有街坊指出，近月發現一名居於碧月樓的阿叔，不時在深夜時份在其單位客廳，打開窗簾行來行去，初時不以為意，但在本周日（12日）凌晨約2時，阿叔現身企在窗邊，當時衣着整齊，單位亮白燈，惟未幾客廳轉開黃燈，阿叔已除晒衫一絲不掛。
據街坊指，阿叔當時「喺窗邊裝嚟裝去」，右手往下不停上下係咁Chok，疑似手淫；左手拿著一個軍綠色望遠鏡，往對面樓層窺望，他形容阿叔「一路望一路郁」，面露笑容狀甚滿足。由凌晨2點到清晨5點，斷斷續續重複相同動作，「打足3粒鐘」先收手。
今日凌晨約2點，阿叔頭戴白色耳機，喺同一位置蒲頭，同樣用望遠鏡往外左𥄫右𥄫兼疑似手淫，但今次動作更加誇張，不時擒高擒低，更未知是否過度投入，搞到要「成個身挨埋落個窗口」！
街坊直斥阿叔「好離譜好變態」，認為造成極大滋擾，其他街坊亦聲稱目睹阿叔的過火行徑，冀警方可處理事件。
來源 source: http://hk.on.cc
|
鍾意就快D Share啦！
|
|
|