如果講賣點，相信大家會關心你哋嘅床戲多過嗌交～～
藝人黃翠如、洪永城（Tony)、黃浩然等出席劇集《我瞞結婚了》試造型，老友鬼鬼的翠如與Tony第二次合作拍劇，劇中更有感情線，稍後亦會研究雙方感情有幾深，問到她能接受多深？翠如謂：「希望淺淺哋，太熟會好難投入，好在喜劇都ok！（你哋另一半會嚟探班？）佢哋擔心我哋嗌交多啲，之前詩詠話如果嗌交，每晚12點前好和好如初。（佢都關心你喎！）Edwin（蕭正楠）都擔心我哋會嗌交，其實嗌交內容好無聊，有時佢打傷我，有時我嗌咗蝦佢唔食又會嬲，不要唔會氹番大家。」談到劇集講述已婚人士扮單身識異性，問到現實生活可遇過該類人？翠如表示身邊朋友大多從小認識，到長大後變成另一半關係，故未曾遇上收埋秘密的人。
自爆床戲咀戲樣樣齊
而Tony對於女友詩詠着他不要與翠如嗌交，他笑謂：「嗌交都係感情深厚先嗌。（翠如話唔會氹番大家？）我會，成熟男人嘛！嗌交都係為件事。」談到劇中親密程度，Tony坦言會表現出拍拖幾年的情侶模樣，床上戲也少不免。問到會唔會要求唔好咁多咀戲？Tony續說：「我覺得場戲個感覺到，表現到甜蜜都會去做，其實都係一件正常情侶都會做嘅事，我好期待大家喺劇度嘅火花。」對於劇中與傅嘉莉關係曖昧，期間更令他與翠如感情起伏，劇情儼如他現實生活般，對此Tony謂：「呢啲嘢每個人都有嘅。」
來源 source: http://hk.on.cc
|
鍾意就快D Share啦！
|
|
|