人生際遇嘅嘢，真係好難預料，就好似，陳少霞。曾經歷人生谷底，事業失意，當年甚至傳過佢同恩師劉德華反目，還曾傳過華仔當年一聽到有人提到陳少霞個名，就話「唔想再提呢個人」。婚姻上，陳少霞99年同澳洲富豪結婚，最後離異。06年，陳少霞傳出經濟欠佳，單親媽媽獨力照顧兩個女，由豪宅搬到天水圍公屋，陳少霞當時回應謂：「係返我阿媽度，我拍劉德華套戲時的確係住天水圍，但我唔想解釋咁多，總之我唔係住公屋。」至2011年，陳少霞患上甲狀腺亢奮，性情大變。捱過一關，豈料前夫突然病逝，15歲大女突然患上一型糖尿病。絕少與圈中人聯絡嘅陳少霞無依無靠，且性格內向，十分徬徨，幸好有宗教信仰支持度過難關，而且亦逐步復出，不時北上剪綵搵快錢。才39歲的陳少霞，高山低谷都經歷過，至最近突傳佢同59歲嘅八億富商、人稱(中港)「法拉利之父」嘅李文輝交往(李文輝係首位將法拉利引入中港澳嘅人，之後再奪得瑪莎拉蒂代理權，故稱「法拉利之父」)，指其忽然富貴，出入有名車代步，住南灣豪宅，不時周遊列國過上流生活云云。花生友嘖嘖稱奇之際，今日有周刊報道指，原來陳少霞早於上月二十三日，在教友見證下，於教會與李文輝完婚。披上白色旗袍、戴上頭紗的陳少霞，充滿古典韻味；新郎則西裝畢挺，兩人在牧師見證下結婚，執子之手承諾下半生甘苦與共。周刊報道還指，一對新人將於下月在馬會擺酒，宴請親友同賀。陳少霞接受周刊訪問時，亦直認已婚，並感謝祝福同關心。恭喜恭喜!
|
鍾意就快D Share啦！
|
|
|
