掃呢頁CODE去手機

2016年8月18日 星期四

食詐胡一年 葉翠翠望 B止渴 [壹週刊 - 1380] __,翠翠,葉翠翠,M1,

行街睇女人袋,周曉東照樣寸步不離,翠翠見到鏡頭,即拖老公走人。同你吟一吟食詐胡一年 葉翠翠望B止渴葉翠翠先排身體唔舒服,睇勻中西醫照埋肺,咳咗個幾月最近先好番。體質弱,一直想生B嘅佢,努力咗成年,叫極都係詐胡!嚟緊又大一歲,35歲正式成為高齡產婦,急都急唔嚟嘅翠翠,惟有花多啲心機時間,搞番好副偈。早排《壹》仔連續撞到葉翠翠同老公周曉東拍拖,一晚就去咗上環尚興食潮州菜,撐完枱腳再去銅鑼灣睇戲;另一日 ...


行街睇女人袋,周曉東照樣寸步不離,翠翠見到鏡頭,即拖老公走人。

同你吟一吟

食詐胡一年 葉翠翠望 B止渴

葉翠翠先排身體唔舒服,睇勻中西醫照埋肺,咳咗個幾月最近先好番。體質弱,一直想生 B嘅佢,努力咗成年,叫極都係詐胡!

嚟緊又大一歲, 35歲正式成為高齡產婦,急都急唔嚟嘅翠翠,惟有花多啲心機時間,搞番好副偈。

早排《壹》仔連續撞到葉翠翠同老公周曉東拍拖,一晚就去咗上環尚興食潮州菜,撐完枱腳再去銅鑼灣睇戲;另一日就喺 ifc行街濕平,就算睇女人手袋,翠翠老公一樣寸步不離,又會俾吓意見咁。

其實造人呢件大事都好講 mood!葉翠翠兩公婆感情好,呢一點唔使懷疑,其他,就聽天由命,睇你命水

恨生 B嘅葉翠翠,行 Lane Crawford見到人哋個 B,即刻企定望住,流晒口水。

喺上環尚興撐枱腳兩粒鐘,食完攞車落銅鑼灣睇戲,周曉東開埋車門俾老婆上車,好細心。

泊低車,兩公婆手拖手行去皇室堡,等燈過馬路期間,俾老公當街錫啖嘅葉翠翠,冧晒!

撰文:八珍


鍾意就快D Share啦!