胡定欣話結婚呢家嘢冇得逼。
藝人胡定欣（Nancy）在無綫熱播劇集《城寨英雄》中飾演身懷絕技的刁蘭一角，既睇得又打得，更令觀眾笑中有淚！劇中有如「花癡」上身的她不時「發姣扭Pat」，她直認為求喜感，不惜盡地一煲兼不擇手段，更指連自己都想「中」自己：「將自己最好色嘅一面發放出嚟，將呢樣嘢去到終極！（平時都咁好色？成日𥄫仔？）點解唔𥄫得，有好嘢睇就睇架話晒我都係靚女，人哋睇我梗係睇番人！」問到「胡說八道會」一班好姊妹捧場時，是否同樣想「痛毆」自己，她笑謂：「咁又冇！佢哋睇得好開心，話笑到卡卡聲，尤其係豹嫂（胡蓓蔚），佢做咗我Die Hard Fans，仲熱衷過我！」問是否想憑角色再登視后寶座，她即指交由觀眾決定。
揀仔揀到頭都大
談到定欣劇中有陳展鵬飾演的左勾拳（拳佬）、袁偉豪飾演的段迎風（牙佬）和伍允龍飾演的龍成虎（貓仔）三大型男陪伴在側，問到心儀哪一位？她即時諗到「頭都大」：「三個都咁好條件！牙佬就官仔骨骨，好好笑容；貓仔就成個Bodyguard咁，夠晒安全感；拳佬就孩子氣啲，但團火好勁！（揀邊個過人世？）一般女仔都係鍾意牙佬嘅，啲姨媽姑姐牙冇痛都會去睇牙！」
唔會逼婚
問到最近他與音樂人陳明道（Terry）分手，她則指自己會展望將來：「Mr. Right嚟之前我會照顧得自己好好，要識錫自己先可以好好咁對待愛情。」又強調兩人屬和平分手，同時未因失實報道而動怒：「不過唔好再話我哋啲女仔逼婚，呢啲逼唔到。（都仲想結婚？）我仲期待緊。」
來源 source: http://hk.on.cc
|
鍾意就快D Share啦！
|
|
|