蘇施黃嗌乒乓一哥黃鎮廷茂利全城鬧爆
■蘇施黃前日又因口孽惹公憤，昨回覆本報：「我係人都叫茂利，包括自己。」資料圖片
言論惹火的商台節目主持蘇施黃經常辣火頭，前日她在節目中形容香港乒乓球一哥黃鎮廷為「茂利」，又批評香港單車隊戰衣醜樣，結果因失言犯眾憎。黃鎮廷、香港單車代表梁峻榮、香港前專業劍擊代表李忠民均發聲請她尊重運動員，大批網民更要求阿蘇道歉，昨阿蘇霸氣回覆：「我係人都叫茂利，包括自己。」
里約奧運進行得如火如荼，「牛下女車神」李慧詩昨晚再戰場地單車女子賽，全港上下一心撐港隊之際，現年61歲的商台主持蘇施黃，前日在節目《大玩派》竟狠批香港單車隊戰衣，又用「茂利」形容乒乓球一哥黃鎮廷，結果辣㷫大批支持港隊的熱血港人。
不悅Polo「啡」開憑惡死形象、罵人不留情面主持風格深入民心的蘇施黃，前日在節目批評：「真係𤷪𤷪哋，咁香港打乒乓波，係藍色嘅polo shirt，你睇吓呢條『茂利』叫乜名？你睇佢『呢啡』到呢，我着polo shirt就一定扣最底嗰粒鈕，因為係咁先靚啲，呢個阿乜，黃鎮廷呢，佢係全部『啡』開晒，真係肉酸到呢，可唔可以教吓佢哋點着uniform呢？」
節目出街後，香港前劍擊代表李忠民在fb撰公開信給蘇施黃，讚黃鎮廷是香港的精英運動員，並不是「茂利」；而黃鎮廷接受傳媒訪問表示，不扣鈕打球會更舒適，請她尊重運動員，不要隨便拿運動員開玩笑；香港單車代表李峻榮則指灰色戰衣有隱形作用，進攻更容易；大批網民更踩到蘇施黃的facebook主場，要求她道歉。
■黃鎮廷解釋自己不扣鈕的原因是打球會更舒適，請蘇施黃尊重運動員，不要隨便拿運動員開玩笑。路透社
■李慧詩昨晚再戰全港力撐，香港單車隊戰衣被蘇施黃嘲區旗位置似乳暈。路透社
■梁峻榮解釋戰衣由紅改為灰色是有利隱藏。資料圖片
區旗似乳暈昨日蘇施黃透過短訊回覆本報：「不要寫錯字——瞀里，這是我2005年去撒哈拉沙漠team的名字，參加馬拉松賽，如果你時常聽我節目，我係人都叫茂利，包括自己。」問到會否解釋呢？她霸氣回覆：「不需要解釋我為甚麼天天睡覺，天天起床。」對於李峻榮的回應指戰衣灰色的原因，蘇施黃澄清：「我都唔係話灰色，我係話他們放區旗的位置不妥當，淺灰的葉，一瓣在左胸前，一瓣在右胸前，仲要中間有粒星，看落像乳暈。」並重申只是認為polo shirt沒扣鈕「呢啡」。
至於李忠民給她的公開信，蘇施黃抵死表示：「佢唔係寫畀我，我的名字係蘇施黃。」原來李忠民寫錯蘇施黃的施做「絲」！而昨日她在節目刻意說：「各位茂利好，我成日都叫人茂利，冇意思嘅，我叫自己都係茂利，所以冇嘢講嘞。」
採訪：皓騫
■香港前劍擊代表李忠民撰公開信給蘇施黃，惟被她指寫錯「絲」字。
李忠民
【網民反應】「唔係你老友呀」狠批港隊戰衣惹禍的蘇施黃，其facebook被網民洗版狂轟。
Stephanie Yung：
希望你慎言。尊重自己的修養，尊重運動員付出的努力及堅持。
Dennis Fong：
甚麼「茂利」係你口頭禪，咁如果粗口係主持人口頭禪，咪可以隨便講出來？你要講「茂利」都要睇吓對象吧，佢哋唔係你啲老友呀！
Helen Chung：
自由講，唔愛可以唔好like，冇人逼你的，唔好阻擋我們粉絲的溝通。
|
鍾意就快D Share啦！
|
|
|