「牛下女車神」李慧詩今屆里奧緣盡獎牌，但其拚搏表現贏得了掌聲，盡現香港精神，20年前在阿特蘭大奧運會奪得歷史性首面奧運金牌的「風之后」李麗珊，亦為這位「體壇師妹」通宵撐場，她坦言Sarah已經「做到最好」，並沒有「對唔住任何人」，不要自責，並呼籲各方給予Sarah空間，待她為下一步好好思考。
儘管珊珊已退役多年，但這位香港體壇傳奇對體壇沒有離開過，特別是四年一度的奧運會，她對每位港將都會留意，「我有睇晒Sarah的比賽，她的努力大家都睇到，講到與禾姬一戰，坦白講我唔係呢方面專業，但我覺得Sarah唔係輸體力或能力，係輸經驗，我覺得佢應該取人優點，再調節自己，將會更上一層樓。」
珊珊特別提到，她賽後常常提着「對不起」這個問題，這位體壇老大姐稱：「我覺得佢冇對唔住任何人，無對唔住自己，心理恢復（與美雅斯碰倒後）做得好好，已做晒自己要做既嘢。」
96年奪得奧運金牌後，珊珊表現自己都曾跌低過，背着一面奧運獎牌再去衝擊另一面奧運獎牌，所承受的壓力是很大：「我希望大家可以俾啲空間佢去思考，下一步應該點做，佢需要自己去諗一諗。」Sarah在賽後已表明再玩一屆，直指2020東京奧運會，珊珊表示4年並不是一個長時間，運動員恢復過後，又要為下一屆作好準備。
來源 source: http://hk.on.cc
|
鍾意就快D Share啦！
|
|
|