郭翠華帶七歲仔Anton到內蒙古旅行，仲因為一個美麗的誤會，仔仔識咗個女仔𠻹！
本地著名時裝設計師郭翠華（Ranee）日前帶同七歲兒子Anton到內蒙古旅行八天，她坦言一直期待與兒子單獨相處：「我好想同仔仔兩個人去旅行，大家對足24小時，希望可以了解仔仔多啲，所以刻意安排咗今次旅行。」
美麗的誤會
兩人在呼倫貝爾逗留了四天，享受大草原及被遍地羊群包圍的感覺，Anton更與牧羊家庭的女孩烏達木成為好友：「Anton以為個短頭髮嘅女仔係男仔，個女仔又以為着到花花綠綠嘅Anton係女仔，因為呢個美麗嘅誤會而令佢哋冇咗男女芥蒂，玩得好投契。Anton同佢講香港有好多高樓大廈，個女仔話高樓大廈係一個傳說。」他們又入住了位於沙漠之中的響沙灣蓮花酒店，登記後要乘坐吊車及吉普車才能到達酒店，非常誇張，Ranee大讚：「酒店入面好似個主題樂園咁，可以玩滑沙、騎駱駝，好驚喜。」
仔仔安慰番自己
對親子遊來說，內蒙古無疑是冷門地方，但Ranee就非常推介：「好值得去，唔辛苦又好玩，同小朋友去絕對冇問題，學到好多文化上差異同唔同嘅體驗。」她稱今次旅程後，母子感情增進不少，亦發現了兒子另一面：「了解佢多咗，雖然仔仔屬慢熱性格，但都幾主動，好鍾意同人溝通，佢嘅普通話好好，仲會幫我做翻譯。因為全程得我哋兩個，佢好多嘢都有幫手，想出一分力。仔仔係一個好旅伴，由呼和浩特去呼倫貝爾嘅航班遲咗九個鐘，我都有少少心急，反而仔仔完全冇不滿或者唔耐煩，好多時佢都會安慰我，同我講我ok喎！」
來源 source: http://hk.on.cc
|
鍾意就快D Share啦！
|
|
|