2016年9月8日 星期四

做唔成孫大倫新抱 元祖𡃁模活希兒變銀行董事 [壹週刊 - 1383] __,活希兒,𡃁模,M1,

上週二(30/8),做到七點幾收工的活希兒,孖住揸百萬平治的新金龜Darrin行超市。探熱針做唔成孫大倫新抱 元祖𡃁模活希兒變銀行董事稱得上是元祖𡃁模的活希兒,當年離開娛圈到澳洲讀書,升呢做法律界之花,原本等住入門做中港照相器材集團主席孫大倫新抱,點知埋門一腳撻Q。愈跌得低,反彈力愈高!重新出發,33歲便在投資銀行瑞銀做聯席董事,又釣到金龜Darrin,好威喎!兩人掃大堆沙律、刺身及壽司,準備返愛 ...


上週二( 30/8),做到七點幾收工的活希兒,孖住揸百萬平治的新金龜 Darrin行超市。

探熱針

做唔成孫大倫新抱 元祖𡃁模活希兒變銀行董事

稱得上是元祖𡃁模的活希兒,當年離開娛圈到澳洲讀書,升呢做法律界之花,原本等住入門做中港照相器材集團主席孫大倫新抱,點知埋門一腳撻 Q。

愈跌得低,反彈力愈高!重新出發, 33歲便在投資銀行瑞銀做聯席董事,又釣到金龜 Darrin,好威喎!

兩人掃大堆沙律、刺身及壽司,準備返愛巢撐枱腳。

失落做名人孫大倫新抱後,活希兒再釣另一個筍盤 Darrin。男友揸名車,住豪宅會景閣。

當紅的活希兒,曾跟謝霆鋒傳出緋聞。

月入過十萬

𡃁模熱冷卻,但作為第一代的活希兒,一早攞番書包轉行,醒爆!

「 Fiona响澳洲讀法律,畢業返香港做事務律師,專攻商業文件。但大前年(一三)佢走咗去前度(孫道熙)個婚禮踩場之後,就離開咗律師樓,後來輾轉去咗瑞銀( UBS)嘅法規事務部。因為上司好欣賞佢,愈撈愈掂,而家做埋聯席董事,月入過十萬。」知情人說。

平日返工,朝八晚七,活希兒淡妝,造型 smart causal的她,下個月就三張四,但並未走樣。

13年活希兒曾與孫大倫幼子孫道熙拍拖,雖深得孫老太(左二)歡心,可惜埋門一腳撻 Q,男方另娶林珊亭( Sandee)。

當年 15歲出道的活希兒,混血靚樣火速冒起,但快嚟快去,兩年貨仔就離開娛圈。

上月底,愈撈愈掂在瑞銀返工的她,忙到中午只落樓到櫃員機過一過數,就返上公司再搏殺。

俾活希兒搞寸 party,事後新郎哥孫道熙在 fb寸爆她。

婚宴上演大龍鳳後,孫老太拉埋「現實新抱」 Sandee同「夢想新抱」活希兒喺福臨門影大合照,認真峰迴路轉。

最爆著婚紗踩舊愛場

13年,活希兒踩去舊愛孫道熙(孫大倫幼子)的婚宴,仲要著住跟新娘林珊亭同款婚紗「贈興」,新郎之後在 fb爆 seed,聲明以後唔想再見活希兒兩母女。

事後她解釋當晚著住的「晚裝」是由契媽孫大倫夫人所贈,並要求她著去婚宴,又公開張孫老太本人試裙相。有傳孫老太與活希兒關係好,加上唔 like新抱林珊亭,於是夾計大龍鳳,因而鬧出笑話。

婚宴變鬧劇後,孫老太又戲劇性地拖埋新抱同活希兒去福臨門「飲茶」,「順便」給傳媒影張世紀合照,入唔到豪門的活希兒奉陪到底,好攞命。

13年活希兒被發現著住跟新娘同款的婚紗,去舊愛婚宴「贈興」,未幾她離職律師樓。

避忌拍拖

據了解,生於單親家庭的活希兒一直想有個屬於自己的家,雖然做唔成孫家新抱,但她冇被打沉,還成功釣得才俊男友 Darrin。

上週二(八月三十日)晚七點幾,一臉疲態地離開位於交易廣場寫字樓的活希兒,放工後先到 ifc行超市。過了不久,就見現任男友 Darrin出現,原來一早約好。

雖無做幕前多年,但活希兒警覺性不減,在公眾地方,跟男友保持距離,零親密動作。但睇得出二人甚有默契,在超市先掃了大堆沙律、刺身和壽司,之後再去揀酒,但揀來揀去,活希兒都唔啱心水;轉場去另一店鋪再睇過,終於揀到一支白酒,之後坐住男友過百萬平治離去。

當上律師的活希兒,近年的朋友非富則貴,蒲腳有傅明憲及劉晨芝,之前孖住去希臘。

手揸豪宅,富貴的活希兒在網上晒過百萬勞力士 Daytona Rainbow靚錶。

33歲的活希兒,六年前已經做咗業主,買入千一萬的大坑豪宅,現升值至千七萬。

投資有道

活希兒早前出席慈善活動時,亦坦承蜜運中。

「我有男朋友,好甜蜜穩定。(計劃結婚?)未諗到咁遠。(會唔會考慮做番幕前?)唔會啦,做律師啱我多啲,另外仲有搞時裝店生意,有自己嘅品牌同鋪頭。」活希兒說。

事實上,活希兒的朋友圈子個個都非富則貴,旗下的出租衫店「 Chandelier」便是與扶輪社(蘭桂坊)主席李君兒( Fion)及設計師彭穎怡( Wendy)合作;至於蒲腳,則是傅明憲、劉晨芝等社交界常客,人脈關係,四通八達。

做投行,活希兒亦投資有道。一○年,她以一千一百萬購入大坑帝后臺豪宅,現已升值至一千七百萬,賬面賺過四成。

樣子甜美又長得高䠷的她,原在娛圈大有作為,可惜接二連三的負面新聞令她遠走澳洲。

當年她與偶像級的陳曉東拍牛仔褲廣告成名。

單親家庭長大的活希兒,當年對母親 Bonnie言聽計從,而活母則被指把女兒當搖錢樹。

生前張耀榮曾幫活希兒出唱片,更鬧爆活母沒履行合約精神。

佗衰 Hello Kitty成笑話

當年處女碟主打歌更叫《 Hello Kitty成為朋友》,不但成世紀膠歌,更被 Kitty迷狂插。

98年, 15歲的活希兒( Fiona Braidwood)與陳曉東拍完美國棉牛仔褲廣告,憑住甜美中澳混血靚樣及一雙長腿竄紅,屬元祖級𡃁模;亦先後跟謝霆鋒及陳曉東傳過緋聞,人氣甚盛。

最愛的偶像公仔是 Hello Kitty,卻偏偏「死在」其手上。一心想轉型做歌手的活希兒,主打處女作叫《 Hello Kitty成為朋友》,但一推出便成為世紀膠歌,其中致命歌詞:「成日微笑……共聚伴隨和我一起跳高!」令冇口及個子小的 Hello Kitty成為笑柄,觸發 Hello Kitty忠粉狂轟,指她佗衰可愛偶像。處女碟一出即仆。

活母欠債拖累要引退

出道爆紅的活希兒,一度是多間公司爭相力捧的對象,可惜身邊有個當她係搖錢樹的母親 Bonnie,欠債纍纍,斷送女兒大好前途。

唱片成績慘不忍睹,之後活媽被指欠債,要賣樓套現及跟第二任老公林磊明有錢銀轇轕等負面新聞,最終活希兒決定引退,避去澳洲讀書。

當時跟她簽了兩年唱片合約的張耀榮,亦忍唔住炮轟活母,指她經常從中作梗,又將女兒當王菲級數看待。合約訂明一年出兩張唱片,但因為活希兒遠走澳洲,收晒錢的活母無法履行合約,不過張耀榮並冇追究,還替活希兒不值:「佢阿媽好麻煩,其實活希兒都好慘,任由阿媽擺布。」

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...