掃呢頁CODE去手機

2016年9月8日 星期四

只可遠觀 不准親近  Moka廿蚊熒光棒撐城城 [壹週刊 - 1383] __,Moka,方媛,郭富城,城城,M1,

娛樂偵訊只可遠觀 不准親近 Moka廿蚊熒光棒撐城城城城開騷,點少得城嫂!共十五場的《郭富城舞林密碼世界巡迴演唱會》開鑼後,城嫂Moka人肉速遞到香港,fing晒熒光棒撐男友場;不過城城唔想分心,就算個唱期間有break放假,亦冇開綠燈讓女友攻「城府」,Moka惟有孖住強國姊妹,自己搵食。一場嚟到,城嫂不忘爭取時間自由行。上週五(九月二日),著到一身名牌的Moka,在兩個女助手陪同下,遊走百德新街 ...


娛樂偵訊

只可遠觀 不准親近  Moka廿蚊熒光棒撐城城

城城開騷,點少得城嫂!共十五場的《郭富城舞林密碼世界巡迴演唱會》開鑼後,城嫂 Moka人肉速遞到香港, fing晒熒光棒撐男友場;不過城城唔想分心,就算個唱期間有 break放假,亦冇開綠燈讓女友攻「城府」, Moka惟有孖住強國姊妹,自己搵食。

一場嚟到,城嫂不忘爭取時間自由行。上週五(九月二日),著到一身名牌的 Moka,在兩個女助手陪同下,遊走百德新街玩街拍;戴住「天王嫂」光環,唔使再著淘寶貨!

發忟憎

當日下午,一行四人在銅鑼灣百德新街附近周圍攞景,先後換過三套衫的 Moka,由頭到腳,全部名牌,手袋換完一款又一款,包括 Fendi、 Balenciaga等,個個二萬蚊起跳;相比以前,$3,500人仔做一次淘寶 model,城嫂真係升晒呢!

Moka有行頭亦有排場,不過更有大大個紅白藍跟身(放衫用),品味呢樣嘢……

大熱天時, Moka唔係大褸就冷衫,熱到標晒汗,其間仲發晒忟憎一手搶去助手部電話,好火!見勢色唔對,只要唔使埋位,助手便幫她反低件樽領冷衫,散散熱。

冇得見城城, Moka惟有搵強國好姊妹伴遊。

週一(五日),城城個唱休息一樣冇見 Moka,當晚 Moka孤伶伶在酒店附近四圍逛。

自由行來港,例幫襯藥房, Moka都唔例外。

Moka唔行名店,反而去平價化妝品店掃貨。

冇特權

影了三粒鐘,收工, Moka隨即趕返酒店。上房變裝後,與同行強國朋友校啱時間落樓,上車直駛去紅館。

雖然一早被城城公開確認正印身份,不過 Moka連日來都保持低調,去紅館睇騷,冇特權亦唔行特別通道,反而選擇混入人堆,行正門。

「城城做演唱會唔想分心,今次佢哋都冇乜時間見面,所以 Moka搵咗個 friend陪佢,不過嚟香港嘅機票、酒店,都有人幫 Moka安排好,佢住嗰間酒店,都係城城老友開!」知情者說。

Moka連日來都冇行特別通道,由正門入場睇騷,不過就坐正第一排。

入場前, Moka用廿蚊買咗支紫色熒光棒。

廟街搵食

翌日, Moka一直留在酒店,到晚上七點九,才見她與強國朋友離開,二人邊行邊截的士,沿途經過藥房, Moka走入去問問問,搞足廿分鐘,先買完俾錢走人。

之後二人決定食泰菜做晚餐,但時間無多,快食完急急跳上的士去紅館。入場前, Moka仲買定支紫色熒光棒,幫城城打氣。

上週五(二日),城嫂一身名牌在銅鑼灣街拍,不過大大個紅白藍袋跟身就好唔夾。

去年 12月,城城速遞 Moka到港,入住「城府」六日,離港當日,他親自送機斷正,戀情曝光。

未升呢做城嫂, Moka$3,500人仔做一次淘寶 model。

迷上嫩模

自從去年尾,郭富城破例公開承認與上海嫩模方媛( Moka)拍拖並多次在社交平台放閃後,網民激烈負評,自此,城城將戀情低調,多次在活動上拒談感情事,就連演唱會頭幾場,亦不見 Moka蹤影。

公開拖手

去年 12月,郭富城在微博上載一張在車廂中與 Moka十指緊扣拖手照,高調公開戀情。

甜蜜撐枱腳

兩日後,城城再放閃,於微博上載與女友撐枱腳的甜蜜照,並留言「這樣吃飯要慢一點」。

肉麻留言

其後 Moka被爆出負面新聞,當事人發聲明澄清,城城亦撐女友轉發聲明,又發肉麻留言,隔空打情罵俏。

包場睇戲

在上海拍戲期間,城城不忘與 Moka拍拖,二人被拍到拖手到餐廳開飯,之後包場睇戲,過二人世界。

情人節晒花

今年情人節, Moka忍唔住於微博晒命,上載玫瑰花及名牌耳環的自拍照。

撰文、攝影、攝錄:娛樂組


鍾意就快D Share啦!